पटक–पटक ठेक्का मिति गुजार्ने पप्पुलाई चुनौती, सम्झौताको डेढ बर्ष अगाबै सिन्धुलीमा बन्यो पुल

मिसन खबर २० भाद्र २०७५, बुधबार १४:५५

सिन्धुली–पप्पु कन्ट्रक्सन, निर्माण व्यवसायको एउटा विवादित नाम । जसले ठेक्क लिएका अधिकांश पुल मिति गुजारेर पनि बन्न सुरु नै गरेका छैनन । सधैको बद्नाम पप्पुलाई नै चुनौती दिनेगरि सिन्धुलीको मरिण नदीमा निर्माण सक्ने सम्झौताको मिति भन्दा डेढ बर्ष अघि नै पक्कि पुल बनेको छ ।

कालिका/रसुवा/तुदी जेभीले निर्माण गरेको पुलले उनीहरुलाई प्रशंसाको पात्र मात्रै बनाएको छैन, आँट गर्यो भने सम्भव हुन्छ भन्ने उदाहरण प्रस्तुत गरेका छन्, निर्माण पक्षले । ४ सय मिटर लम्बाई र ६ मिटर चौडाई रहेको पुल ४९ करोड १४ लाखको लागतमा पुरा भएको हो । सिन्धुलीको बिकट मानिने मरिण गाउँपालिकास्थित कपिलाकोट र कल्पवृक्ष जोडने मरिण नदीमा पुल बनेपछि सहान, खयरसाल, भालुमारा, बोटेनी क्षेत्रका स्थानीय खुसिले दंग छन् । पुलको उद्घाटन गर्दै पूर्व प्रधानमन्त्री समेत रहेका नेपाल कम्युनिष्ट पार्टीका अध्यक्ष पुष्पकमल दाहाल प्रचण्डले राम्रो काम गर्नेलाई पुरस्कार सहित प्रोत्साहन र गल्ती गर्नेलाई कडा कारबाही गरिने बताए ।

निर्माण पक्ष पनि सबै ठेकेदार गलत हुँदैनन भन्ने उदाहरण प्रस्तुत गरेको र आफूले ठेक्का लिएका सबै काम समय अगाबै पुरा गर्ने बताइरहेको छ । मरिण पुलले जिल्ला सदरमुकाम सिन्धुलीमाडीसम्मको यात्रा सहज मात्रै बनाएको छैन, सिन्धुलीको ग्रामिण कृषि उत्पादनलाई बजार ल्यउन सहयोग गरेको छ ।

क्याटेगोरी : यातायात / यात्रा, विकास / पुर्वाधार, समाचार
ट्याग : #breaking, #hot