चीनको चमत्कार : समुन्द्रमा विश्वकै लामो पुल, हङकङबाट चीन पुग्न ३० मिनेट

मिसन खबर ६ कार्तिक २०७५, मंगलवार १४:०३

एजेन्सी/काठमाडौं–चीन विश्व अर्थतन्त्रको उदियमान राष्ट्र मात्रै होइन, विकास र प्रविधिमा निक्कै ठूलो चमत्कार गरिरहेको राष्ट्र पनि हो । समुद्रमाथि बनाइएको विश्वकै लामो पुलले फेरी चिनले विश्वको ध्यान खिचेको छ ।

चिनियाँ राष्ट्रपति सि जिनपिङले मंगलबार औपचारिक उदघाटन गरेको यो पुल आतिशबाजीसहितको विशेष कार्यक्रमका बिच उदघाटन गरियो । नौ बर्ष लगाएर विश्वकै सबैभन्दा लामो समुद्री पुल निर्माण गरेको चिनले हङकङ र मकाउलाई चीनिया शहर झुहाईसँग जोडेको छ । यो पुलले दुई सहरबीचको दुरी ३ घण्टाबाट ३० मिनेटमा झर्ने बताइएको छ । ५५ किलोमिटर लामो पुल निर्माणका लागि २० अर्व डलर खर्च भएको छ । समुद्रमाथि २२ दशमलव ९ किलोमिटर र ६ दशमलव ७ किलोमिटर समुद्र मुनी सुरुङमा रहेको पुल डबल थ्रि लेनको छ । पुलको बाँकी भाग जमिनमा बनाइएको छ ।

हङकङलाई नियन्त्रणमा राख्ने चिनियाँ परियोजनाका रुपमा यो पुललाई कतिपयले ब्याख्या गरिरहदा हङकङ भने चिनिया पर्यटकहरु बढने विश्वासमा छ । आठ म्याग्निच्युडको भूकम्प, समुन्द्री आँधीलाई समेत धान्नसक्ने पुल निर्माणमा ४ लाख टन स्टील प्रयोग गरिएको छ ।

क्याटेगोरी : विकास / पुर्वाधार, विश्व / विविध, समाचार