पर्यटक लोभ्याउने गणेश वस्ती, २ सय बर्ष पुराना घरकै कारण अन्तर्राष्ट्रिय सम्पदा सूचिमा(फोटो डायरी)

मिसन खबर ७ कार्तिक २०७५, बुधबार १६:२५

कास्की–भक्तपुरबाट पोखरा झरेका नेवार समूदायले स्थापना गरेको पोखाराको पुरानो व्यापारिक वजार गणेश टोलको पहिचान फेरिएको छ ।

करिव २ सय वर्ष पुरानो इतिहास वोकेको गणेश टोल अहिले विक्रम सम्वत १८७५ सालमा निर्माण भएका पुराना संरचनाका कारण पर्यटकिय गन्तब्य बनेको छ । ऐतिहासिक विरासत बोकेका ४० घरहरु मध्ये १७ वटा घर अझै उस्तै रुपमा ठडिएका छन् ।

उनै नेवार समूदायबाट स्थापना गरिएका गणेश मन्दिर र भिमसेन मन्दिरले यो टोलको संस्कृतिमा नयाँ आयाम दिएका छन् ।

पोखरा विस्तारसँगै व्यापार स्थानान्तरण भएर महेन्द्र पुल, चिप्लेढुंगा र पृथ्विचोकतिर सरेपछि परम्परावादी संरचना रहेको गणेश टोल अन्तर्राष्ट्रिय सम्पदा सुचिमा सूचिक्रित भएर पर्यटनको केन्द्र बनेको छ ।

यहाँका पुराना घरको संरक्षणमा पोखरा महानगरपालिकाले चासो दिएपनि सार्थक प्रयास भने भएको छैन । स्थानीयको प्रयासमा राज्यको सहयोग मिल्ने हो भने यस्था थुप्रै गणेश टोल बन्नेछन् र आन्तरिक तथा बाह्य पर्यटक लोभ्याउने गन्तब्यका रुपमा परिचित पनि हुनेछन् । केवल खासो छ, सकारात्मक सोच दिर्घकालिन योजनाको ।