बिस्तारित चक्रपथको पुल र जेब्रा क्रस कथा, राज्य र निर्माण पक्षको अल्पकालिन सोचको असर

काठमाडौँ । नेपालीको सोचमात्रै होइन्, काम पनि दिर्घकालिन अनि पछिसम्मको योजना अनुसार भएको पाइदैन । हो यस्तै भएको छ, चक्रपथ विस्तारमा पनि । चक्रपथको कलंकी–कोटेश्वर सडक खण्डको काम अन्तिम चरणमा पुग्दैगर्दा पुल, जेब्रा क्रसका लागि फेरी सडक भत्काउनुपर्ने भएको छ ।

यो निर्माण कम्पनीको कमजोरी भन्दा पनि हामीले दिएको जिम्मेवारी र चक्रपथ सुधार आयोजनामा देखिएको दिर्घकालिन सोचको कमजोरी हो । चीन सरकारको सहयोगमा सञ्चालित यो सडक खण्ड पोस्ट गर्दै थुप्रैले आहा युरोप पुगेजस्तो, नेपालमै सुधार सम्भव छ, भन्दैगर्दा हाम्रो विकास परिपाटी र हाम्रो योजना बनाउने क्षमताले भने पछाडी धकेलिरहेको छ । सडक खण्डमा जेब्रा क्रस र आकाशे पुल पर्याप्त नभएको भन्दै पैदल यात्रीले जोखिमपूर्ण यात्रा गर्नुपरेको गुनासो गरेपछि यसैका लागि सुधारका कामलाई तीव्रता दिइनु आफैमा दुर्भाग्य हो । दिर्घकालिन सोच र योजना निर्माण पर्याप्त ध्यान नदिदाको परिणाम हो ।

यस्तै सोचले हामी एउटाले भत्काउने, अर्कोले बनाउने, अनी फेरी अर्कोआएर उहि क्रमलाई निरन्तरता दिने खेल खेलिरहेका छौँ । यो विकास परिपाटीले केहीलाई लाभ मिल्यो पनि होला तर राज्यमाथी ठूलो ब्ययभार थपिएको बारे कस्ले ध्यान दिने । कि बालकुमारी, सातदोबाटो, महालक्ष्मीस्थान, एकान्तकुना, सानेपा र बल्खु गरी ६ स्थानमा आकाशे पुल बनाउन तिब्रता दिनुपरेजस्तै बेला बितेपछि होस पुर्याउने ?

आयोजना छनौट, स्विकृती हुँदै ठेक्का प्रक्रिया र निर्माणसम्म सधै देखिने अनि दोहोरिने समस्याको पहिचान गर्नतर्फ राज्य गम्भिर बन्नुपर्छ । हैनभने हाम्रो विकासमा भएको लगानी बालुवामा पानीजस्तै बन्ने निश्चित छ । लगानीको अधिकतम सदुपयोग र दिर्घकालिन उपयोगमा राज्यका सरोकारवाला गम्भिर बन्ने हो की ?

थप समाचार

लेनदेनको विषयमा जबरजस्ती जाहेरी, घुमुवा प्रहरीको अगाडी महाराजगञ्जका डिएसपी मौन

सगरमाथा टेलिभिजनका अध्यक्ष निर्मल गुरुङ सफल शल्यक्रीया पछि स्वदेश फर्कदै

पोखरा अन्तर्राष्ट्रिय विमानस्थलमा पहिलो अन्तर्राष्ट्रिय उडान, पर्यटन प्रवर्धनको अपेक्षा !

बाक्लिदै मनसुनी प्रणालीको प्रभाव, यी तीन प्रदेशमा भारी वर्षाको सम्भावना

प्रधानमन्त्री दाहालद्वारा भारत भ्रमण ‘अद्भूत सफल’ भएको प्रतिक्रिया

चिकित्सा शिक्षा ऐनको साईड इफेक्ट :पीसीएल नर्सिङका ७३ कलेज बन्द,…