अझै पुरा नभएको अघिल्लो ओली सरकारको प्रतिबद्धता, तुइन तान्दा सुकबहादुरका सबै औँला बांगिए
धादिङ – धादिङको चरौंदीका ९० वर्षीय सुकबहादुर चेपाङले तुइन तान्न थालेको ३० वर्ष भयो । उनको यो कामले कहिलेसम्म निरन्तरता पाउने अझै निश्चित छैन । तुइनकै कमाइबाट अपांगता भएका एक छोराको पालनपोषण गर्दै आएका छन्, सुकबहादुरले । बाबुछोरा तुइनछेउमै रहेको पाटीमा बसेर गुजारा चलाउदै आएका छन् ।
बाध्यताको श्रममा लागेका सुकबहादुरका हातका दशवटै औँला तुइनको घिर्नीले च्यापेर बांगिएका छन् । हातले तुइन सारेर खोला तार्दा बारम्बार फलामको टुक्राले काट्ने गरेको गुनासो सुनाउने उनी जाडोमा थाकेको घाउपनि दुख्ने बताउँछन् । कष्टकर श्रम गर्ने उनी अहिलेपनि पुल नबनोस् र तुइनमा काम गर्न पाइयोस् भनिरहेका छन् । पुल बनेपछि आफ्नो ज्यूने साहारा बनेको रोजगारी खोसिनेमा उनी चिन्तित छन् ।
त्रिशूली नदीमाथि रहेको तुइनको दायाँ किनारा गोरखाको घ्याल्चोक र बायाँ किनारा धादिङमा पर्छ । तुइनको छेवैमा तरकारी संकलन केन्द्र रहेकाले घ्याल्चोकलगायत आसपासका किसान दैनिक तुइन तरेर तरकारी बिक्री गर्न आउने गर्छन । तर एक बर्षअघि नै तुइन विस्तापन गरेर पुन निर्माण सक्नेगरी ठेक्का सम्झौता गर्ने ठेकेदारलाई कारबाही गर्न स्थानीय सरकारले चासो दिएको छैन् ।
यता, पहिलो पटक प्रधानमन्त्री बन्ने बेला हालका प्रधानमन्त्री केपी ओले दुई बर्षभित्र तुइन विस्तापनको सपना बाँडेका थिए । तर धादिङ, गोरखासँगै देशको पश्चिमी भेगमा रहेका थुप्रै तुहिनहरु अहिले केहीका लागी रहत त धेरैका लागि बाध्यताको यात्रा बनिरहेका छन् । विगतको प्रतिबद्धताको पोको फुकाउने चेष्टा प्रधानमन्त्री ज्यूले गरेका छैनन । बरु एकपछि अर्को महत्वकांक्षी विकाशे गफ गरेर नौँ महिनामा गुमनाम रहेर धेरै काम गर्दै एमालेजनलाई राष्ट्रिय राजनीतिमा स्थापित गरेका मनमोहन अधिकारीलाई मात खुवाउने काम भएको छ । गफको राजनीति अतिभयो, अब बोल्ने भन्दा पनि विकास र समृद्धि दिनेगरी काम गर्ने हो कि ?
पुल निर्माणको जिम्मा लिएको नयाँ बाटो कन्स्ट्रक्सन जेभी भने फलाम अभावमा पुल निर्माणको काम ढिलाई भएको बताउछ । पछि ढुंगा, बालुवा खोला बढेर काम गर्न ढिलाई भएको बताउने कम्पनीले धादिङको दारेचोकमा अर्को झोलुंगे पुल पनि नबनाई अलपत्र छाडेको छ । १ करोड ३६ लाख रुपैयाँमा निर्माण सम्झौता गरेर समय अवधि गुजार्दा पनि कारबाही भएको छैन ।
पृथ्वी राजमार्गअन्तर्गत धादिङ जिल्लामा रहेका ११ मध्ये नौवटा तुइनलाई भने झोलुंगे पुलले विस्थापित गरिसकेको छ ।
क्याटेगोरी : ओझेलका पात्र, विकास / पुर्वाधार, समाचार
ट्याग : #hot
थप समाचार
भरखरै प्रकाशित
- १लेनदेनको विषयमा जबरजस्ती जाहेरी, घुमुवा प्रहरीको अगाडी महाराजगञ्जका डिएसपी मौन
- २सगरमाथा टेलिभिजनका अध्यक्ष निर्मल गुरुङ सफल शल्यक्रीया पछि स्वदेश फर्कदै
- ३७० लाख विद्यार्थीको पठनपाठन ठप्प पार्दै देशभरका शिक्षक र कर्मचारि आन्दोलित, यस्ता छन माग !
- ४एनआरएनएको ११औं महाधिवेशन एक महिनापछि, यी हुन नेतृत्वका आकांक्षी
- ५काठमाडौंको गैह्रीगाउँमा एकै परिवारका ३ सहित ४ जनाको हत्या, अपराधीको खोजीमा प्रहरी !
तपाईको कमेन्ट लेख्नुहोस्