त्रिभुवन अन्तर्राष्ट्रिय विमानस्थल सुधारको प्रक्रियामा, बन्ला त ‘बुटिक विमानस्थल’ ? (फोटो डायरी)

मिसन खबर ७ पुष २०७५, शनिबार १४:३१

काठमाडौं–त्रिभुवन अन्तर्राष्ट्रिय विमानस्थल सुधारको कामलाई पछिल्लो समय तीव्रता दिन थालिएको छ ।

प्रधानमन्त्री केपी ओलीले ६ महिनाभित्र त्रिभुवन अन्तर्राष्ट्रिय विमानस्थललाई ‘बुटिक विमानस्थल’ का रुपमा विकास गर्न निर्देशन दिएपछि सुधारको कामले तिब्रता पाएको हो ।

नेपाली मौलिकता झल्कने खालका गेट, झयालको व्यवस्थापन, पर्यटकको सत्कारका लागि पानी भरिएको गाग्री राखेर स्वागत गर्ने लगायतका सुधारका काम भैरहेको त्रिभुवन अन्तर्राष्ट्रिय विमानस्थलका महाप्रवन्धक राजकुमार क्षेत्रीले बताए ।

विमानस्थल सुधार बारेको सर्भेमा अहिले ५ जना इन्जिनियर खटिएका छन् । अहिले आगन्तुकलाई बस्ने सुविधाका लागि एक हजार कुर्सी थपिएका छन् ।

विमानस्थल भित्रको एसीलाई पुर्ण रुपमा सञ्चालनमा ल्याइएको छ । विमानस्थलको सेवा २१ घण्टाबाट थप गरी २२ घण्टा पुर्याइएको विमानस्थल प्रशासनले जानकारी दिएको छ ।