सोलुखुम्बुका तीन स्थानीय तह जोड्ने गरि दूधकोशीमा बेलिब्रिज बन्दै, स्थानीय हर्षित

मिसन खबर १२ पुष २०७५, बिहीबार ०३:३८

सोलुखुम्बु–जिल्लाका तीन गाउँपालिका जोड्ने गरि दूधकोशी नदीमा बेलिब्रिज निर्माण हुनेभएको छ । बेलिब्रिज मार्फत कोशीको जोखिम कम हुनेभएपछि स्थानीयवासी हर्षित भएका छन् । पुस ५ गतेको मन्त्रीस्तरीय बैठक मार्फत सोताङको पावै र थुलुङ–देउसा जोड्ने दूधकोशी नदीमा बेलिब्रिज निर्माणको बाटो खुलेको हो ।

कोशी पारीको सावीक पाँच गाविस पावै, सोताङ, बुङ, छेस्काम र गुदेल क्षेत्रमा तीन वर्ष अगाडि नै सडक सञ्जाल पुगेपनि पुल अभाव थियो । एक बर्ष अघिदेखि ह्युमपाइप राखेर सडक सञ्चालन गरिए पनि निक्कै जोखिमपूर्ण थियो । दूधकोशीमा बेलिब्रिज निर्माण भएपछि जिल्ला सदरमुकाम, सङ्घीय राजधानी काठमाडौं र प्रदेश राजधानी विराटनगर आवतजावत गर्न सहज हुनेछ । कृषि उपज बजार लैजान तथा बाह्य सामग्री ल्याउन पनि सजिलो हुन्छ ।

दिप्लीघाटमा बेलिब्रिज निर्माणका लागि प्रदेश सरकारले ४६ लाख बजेट विनियोजन गरिसकेको छ । यहाँ पनि पक्की पुल निर्माणको पहल भैरहेको स्थानीय जनप्रतिनिधिहरु बताउँछन् ।

क्याटेगोरी : यातायात / यात्रा, विकास / पुर्वाधार, समाचार