त्रिभुवन अन्तर्राष्ट्रिय विमानस्थलमा पहिलो पटक ‘रिमोट पार्किङ वे’, हट्ला त ट्राफिक चाप र जोखिम ?

काठमाडौं– त्रिभुवन अन्तर्राष्ट्रिय विमानस्थलमा ठूला जहाज पार्किङ गर्न मिल्ने गरि नयाँ पार्किङ वे (जहाज पार्किङ स्थल) निर्माण सम्पन्न भएको छ । त्रिभुवन विमानस्थलको उत्तरपूर्वी क्षेत्रमा बनाइएको पार्किङ वे मा वाइडबडी क्षमताका दुई र न्यारो बडी क्षमताका तीन वटासम्म जहाज पार्किङ गरेर राख्न सकिने बताइएको छ ।

यो सँगै त्रिभुवन विमानस्थलमा अब अन्तर्राष्ट्रिय पार्किङ वे संख्या ११ पुगेको छ । अहिले रहेका ९ वटामध्ये ३ वटामा वाइडबडी जहाज र ६ वटा वेमा न्यारोबडी जहाज राख्न सकिन्छ । एक मात्र धावनमार्ग र पर्याप्त पार्किङ वे नहुदा त्रिभुवन विमानस्थल ट्राफिक चापको मार खेपिरहेको छ । बिमानस्थल प्रशासनका अनुसार अहिलेको ‘रिमोट पार्किङ वे’ करिब ४७ करोड रुपैयाँ लागतमा निर्माण भएको हो ।

दक्षिणपूर्वी क्षेत्रमा अर्को नयाँ पार्किङ वे बनिरहेको छ । यो वे भने नेपाल वायुसेवा निगमका दुई वाइडबडी जहाज पार्क गर्ने प्रयोजनमा बनाइएको बताइएको छ । त्रिभुवन विमानस्थलका महाप्रवन्धक राजकुमार क्षेत्रीले भने ‘रिमोर्ट पार्किङ वे’ नाम दिइएको पार्किङ क्षेत्र आगामी बुधबारबाट संचालनमा ल्याइनेछ ।

रिमोट पार्किङ वे

सामान्ततया अन्तर्राष्ट्रिय विमानस्थलमा कुनै जोखिमपूर्ण विष्फोटक पदार्थ बोकेको वा अपहरणकारीले कब्जा गरेको जहाज अवतरण गराउन मूख्य पार्किङ क्षेत्रभन्दा केही पर रिमोट पार्किङ वे बनाइएको हुन्छ । त्यहा जहाज राख्नुको मतलव सम्भावित क्षति न्यूनिकरण गर्नु हो । त्रिभुवन विमानस्थलमा पहिलोपटक यस्तो पार्किङ क्षेत्र बनेको छ ।

सुरक्षा कारवाही गर्नुपर्दा या अन्य आकस्मिक अवस्थामा टाढा दुरीमा रहेको जहाजका कारण विमानस्थल आसपास रहेका अन्य जहाज र यात्रुमा क्षति नपुग्ने उद्देश्य राखिएको हुन्छ ।

थप समाचार

सगरमाथा टेलिभिजनका अध्यक्ष निर्मल गुरुङ सफल शल्यक्रीया पछि स्वदेश फर्कदै

पोखरा अन्तर्राष्ट्रिय विमानस्थलमा पहिलो अन्तर्राष्ट्रिय उडान, पर्यटन प्रवर्धनको अपेक्षा !

बाक्लिदै मनसुनी प्रणालीको प्रभाव, यी तीन प्रदेशमा भारी वर्षाको सम्भावना

प्रधानमन्त्री दाहालद्वारा भारत भ्रमण ‘अद्भूत सफल’ भएको प्रतिक्रिया

चिकित्सा शिक्षा ऐनको साईड इफेक्ट :पीसीएल नर्सिङका ७३ कलेज बन्द,…

घुम्न लायक २३ उत्कृष्ट गन्तब्य : नेपालको मुस्ताङ १६ औँ…