पोखरा अन्तर्राष्ट्रिय विमानस्थलमा ६२ प्रतिशत उपलब्धी, काममा थप तिब्रता

मिसन खबर १४ श्रावण २०७७, बुधबार ०६:००

पोखरा काठमाडौं । पोखरा अन्तर्राष्ट्रिय विमानस्थल निर्माणको प्रगति ६२ प्रतिशत पुगेको छ । संस्कृति, पर्यटन तथा नागरिक उड्डयनमन्त्री योगेश भट्टराईका अनुसार लकडाउनका बीचमा पनि यस विमानस्थलको कामले निरन्तर पाउँदा निमार्णले गति लिएको हो ।

अहिले विमानस्थल निर्माणमा ३ सय ४४ जना कामदार खटिएका मध्ये २ सय ४४ जना चिनियाँ र १ सय जना नेपाली कामदार रहेको बताइएको छ । १५ असारमा पोखरा अन्तर्राष्ट्रिय विमानस्थलको प्रगति ५९ प्रतिशत थियो । पोखरा अन्तर्राष्ट्रिय विमानस्थलमा अहिले टर्मिनल भवन निर्माणको काम जारी रहेको छ । कुल २१ अर्ब रुपैयाँ लागतमा राष्ट्रिय गौरवको यो आयोजना निर्माण भइरहेको छ ।