Techie IT
Mission Khabar

कोरोना कहर : सोमबार मध्यरातबाट आन्तरिक र २२ गतेदेखी अन्तर्राष्ट्रिय उडान बन्द


काठमाडौं । सोमबार मध्यरातिदेखि आन्तरिक हवाई उडान बन्द हुने भएको छ । आइतबार बसेको मन्त्रिपरिषद बैठकले कोभिड–१९ संकट व्यवस्थापन केन्द्र (सीसीएमसी) को सिफारिसअनुसार वैशाख २० गते राति १२ बजेदेखि आन्तरिक उडान बन्द गर्ने निर्णय गरेको हो ।

यस्तै, अन्तर्राष्ट्रिय उडानतर्फ भारतबाट हुने सम्पूर्ण उडान, ब्राजिल र दक्षिण अफ्रिकाबाट हुने उडान बन्द गर्ने निर्णय भएको बताइएको छ । अरु अन्तर्राष्ट्रिय उडान भने मापदण्ड पूरा गरेर यथावत रहनेछन् । वैशाख २२ गते रातिदेखि भारतलगायत सबै देशसँगको अन्तर्राष्ट्रिय उडान समेत रोक्ने निर्णय गरेको सरकारले राष्ट्रिय तथा अन्तर्राष्ट्रिय चार्टर्ड उडानहरुलाई भने स्वास्थ्य मापदण्ड पुरा गराएर अनुमति दिने जानकारी दिएको छ ।

हाल अन्तर्राष्ट्रिय उडानबाट नेपाल आउने व्यक्तिले १० दिन अनिवार्य क्वारेन्टिनमा बस्नुपर्ने नियम छ ।


क्याटेगोरी : देश / प्रदेश, विकास / पुर्वाधार
ट्याग : #hot

तपाईको कमेन्ट लेख्नुहोस्