Techie IT
Mission Khabar

चीनले अनुदानमा दिएको अक्सिजन सिलिण्डर कहिले आइपुग्ला नेपाल ?


काठमाडौं । चीनले अनुदानमा दिएको २० हजार थान अक्सिजन सिलिण्डरमध्ये पहिलो चरणमा २ हजार सिलिण्डर जहाज मार्फत नेपाल ल्याइने भएको छ । अर्थ र निगमबीच सहमति भए ११ मे (२८ वैशाख) मा जहाज बेइजिङ जाने बताइएको छ ।

प्रधानमन्त्री तथा मन्त्रीपरिषद् कार्यालयको कार्ययोजनाअनुसार २९ वैशाखसम्म चीनबाट अक्सिजन सिलिण्डर नेपाल ल्याइसक्ने योजना रहेकोले नेपाल वायुसेवा निगमको वाइडबडी जहाज पठाउनेबारे छलफल शुरु भएको हो । जहाज पठाउने सम्बन्धमा अर्थ मन्त्रालयले माग गरे अनुसार नेपाल एयरलाइन्सले ‘कोटेशन’ बुझाएको छ । जहाजको भाडाका सम्बन्धमा सहमति नभइसकेको पनि छलफल भने जारी छ ।

सहमति जुट्नासाथ जहाजले बेइजिङबाट सिलिण्डर ल्याउने छ । सिलिण्डर बोक्न सक्ने क्षमताको जहाज नेपालमा नेपाल एयरलाइन्ससँग मात्र रहेको बताइएको छ ।


क्याटेगोरी : जनचासो / सामाजिक सञ्जाल, देश / प्रदेश, विकास / पुर्वाधार
ट्याग : #hot

तपाईको कमेन्ट लेख्नुहोस्