Techie IT
Mission Khabar

थपिए ८ हजार ६०७ कोरोना संक्रमित, मृतकको संख्या ६ हजार नाग्यो


काठमाडौं । नेपालमा पछिल्लो २४ घण्टामा ८ हजार ६०७ जनामा कोरोना भाइरसको संक्रमण पुष्टि भएको छ । स्वास्थ्य तथा जनसंख्या मन्त्रालयका प्रवक्ता डा.जागेश्वर गौतमका अनुसार देशभरका विभिन्न प्रयोगशालामा २२ हजार ३५३ जनाको पीसीआर परीक्षणमा ८ हजार ४०७ र ८७३ जनाको एन्टिजेन विधिबाट गरिएको परीक्षणबाट २०० जना गरी कुल ८ हजार ६०७ जना संक्रमित थपिएका हुन् ।

योसँगै नेपालमा कोरोना संक्रमितको संख्या ४ लाख ९७ हजार ५२ पुगेको छ । पछिल्लो २४ घण्टामा ७ हजार ८९० जनाले कोरोना जितेका छन् । योसँगै कोरोना जित्नेहरुको संख्या ३ लाख ७४ हजार ८३६ पुगेको छ । हाल देशभर सक्रिय संक्रमित १ लाख १६ हजार नाघेको छ । सक्रिय संक्रमितमध्ये १ लाख ८ हजार ४९५ जना होम आइसोलेसनमा र ७ हजार ६९७ जना संस्थागत आइसोलेसन अर्थात देशका विभिन्न अस्पतालमा उपचाररत छन् ।

शुक्रबारसम्म १ हजार ७१६ जना आईसीयूमा र ५११ जना भेन्टिलेटरमा उपचाररत रहेका छन् । पछिल्लो २४ घण्टामा १ सय ७७ जनाको मृत्यु भएसँगै कोरोना संक्रमणबाट ज्यान गुमाउनेको संख्या ६ हजार २४ पुगेको छ ।


क्याटेगोरी : देश / प्रदेश, शिक्षा / स्वास्थ्य
ट्याग : #hot


तपाईको कमेन्ट लेख्नुहोस्