Techie IT
Mission Khabar

नेपाली काँग्रेसको १४ औं महाधिवेशन ९ दिन पछि धकेलियो


काठमाडौं । नेपाली काँग्रेस पार्टीको १४ औं महाधिवेशन ९ दिन पछि सरेको छ । शनिबार काँग्रेस सभापति शेरबहादुर देउवा निवास बूढानीलकण्ठमा बसेको पदाधिकारी बैठकले भदौ १६ गतेदेखि १९ गतेसम्म काठमाडौंमा महाधिवेशन गर्ने निर्णय गरेको हो । आगामी केन्द्रीय समिति बैठकले अनुमोदन गर्ने गरी पदाधिकारी बैठकले महाधिवेशनको कार्यतालिका संशोधन गरेको हो ।

गत फागुनमा बसेको काँग्रेस केन्द्रीय कार्यसमिति बैठकले भदौ ७ देखि १० गतेसम्म महाधिवेशन गर्ने निर्णय गरेको थियो । उक्त कार्यतालिका अनुसार क्रियाशील सदस्यताको काम सम्पन्न नभएपछि अधिवेशनको तालिका पनि संशोधन गर्ने निर्णय भएको बताइएको छ । असार पहिलो सात वडा तहको अधिवेशन गर्ने कार्यतालिकालाई संशोधन गरी तेस्रो सातापछि सारिएको छ । आगामी दिनमा बस्ने केन्द्रीय कमिटी बैठकले पदाधिकारी बैठकमा भएको सहमतिलाई अनुमोदन गर्ने बताइएको छ । महाधिबेशन जसरी भएपनि गर्ने सभापति देउवाले बताएका छन् ।


क्याटेगोरी : देश / प्रदेश, राजनीति
ट्याग : #hot

तपाईको कमेन्ट लेख्नुहोस्