अपहरणमा परेको भनिएकी चितवनकी सुजिता भण्डारीको घरनजिकैको जंगलमा शव भेटियो
चितवन । अपहरणमा परेको भनिएकी चितवन, राप्ती–३ की २२ वर्षीया सुजिता भण्डारी मृत अवस्थामा भेटिएकी छन् । घरबाट करिब ४ किमी पर ब्रम्हस्थानी सामुदायिक वनमा उनको शव भेटिएको प्रहरीले जानकारी दिएको हो ।
परिवारका अनुसार असार ११ गते बिहान तरकारी किन्न निस्किएकी उनले दिउँसो सवा १२ बजे दिदी कवितालाई फोन गरेर आफू अपहरणमा परेको जानकारी गराएकी थिइन् । परिवारले अपहरण भएको भन्दै केहिदिन पहिले प्रहरीमा उजुरी गरेका थिए । ३ जनाले अपहरण गरेको आशंका परिवारले गरेका थिए । आइतबार दिउँसो भेटिए पनि परिवारले साँझमात्रै शव सुजाताकै भएको सनाखत गरेपनि पहिचान खुलेको थियो । जिल्ला प्रहरी कार्यालय चितवनका प्रमुख ओमप्रसाद अधिकारीले फरेन्सिक चिकित्सकसहितको विज्ञ टोलीबाट थप अनुसन्धान गरेर मात्रै शव उठाइने जानकारी दिनुभयो ।
शव भेटिएको स्थल अहिले शील गरेर राखिएको छ । उनको खोजविन गर्न नेपाल प्रहरीको केन्द्रीय अनुसन्धान ब्युरो (सीआईबी) को टोली खटिएको थियो । सोही टोलीले घटनाको अनुसन्धान गरिरहेको छ । घटनाबारे प्रहरीले अन्य कुनै सुराकी फेला पारेको बारे सार्वजनिक गरेको छैन ।
क्याटेगोरी : जीवन भोगाई, देश / प्रदेश
थप समाचार
भरखरै प्रकाशित
- १लेनदेनको विषयमा जबरजस्ती जाहेरी, घुमुवा प्रहरीको अगाडी महाराजगञ्जका डिएसपी मौन
- २सगरमाथा टेलिभिजनका अध्यक्ष निर्मल गुरुङ सफल शल्यक्रीया पछि स्वदेश फर्कदै
- ३७० लाख विद्यार्थीको पठनपाठन ठप्प पार्दै देशभरका शिक्षक र कर्मचारि आन्दोलित, यस्ता छन माग !
- ४एनआरएनएको ११औं महाधिवेशन एक महिनापछि, यी हुन नेतृत्वका आकांक्षी
- ५काठमाडौंको गैह्रीगाउँमा एकै परिवारका ३ सहित ४ जनाको हत्या, अपराधीको खोजीमा प्रहरी !
तपाईको कमेन्ट लेख्नुहोस्