Techie IT
Mission Khabar

अमेरिकाले नेपाललाई १५ लाख डोज जोन्सन एन्ड जोन्सन खोप अनुदानमा पठाउँदै


काठमाडौं । अमेरिकाले नेपाललाई १५ लाखभन्दा बढी डोज खोप उपलब्ध गराउने भएको छ।नेपालका लागि अमेरिकी राजदूत र्‍यान्डी बेरीले सामाजिक सञ्जालमा संक्षिप्त जानकारी दिँदै अमेरिकाले केही दिनमा कोभिड–१९ विरुद्धको खोप निःशुल्क उपलब्ध गराउन लागेको जानकारी दिनुभएको हो ।

अमेरिकाले अमेरिकी फर्मास्युटिकल कम्पनी जोन्सन एन्ड जोन्सनद्वारा उत्पादित जेन्सेन खोप सहयोग गर्न लागेको हो। यो खोप एक मात्रा (डोज) लगाए पुग्ने बताइएको छ । राजदूत बेरीले नेपाल–अमेरिका साझेदारीको ७३ वर्ष लामो यात्रामा खोप सहयोगत गर्न पाउनु आफ्ना लागि अन्त्यन्तै खुसीको क्षण भएको उल्लेख गर्नुभएको छ । ‘अमेरिका सदैव नेपालीहरूको साथमा छ र नेपालीको जीवनस्तर सुधारमा निरन्तर काम गरिरहने छ’, राजदूत बेरीले भन्नुभएको छ । उक्त खोप नेपालमा कहिले आइपुग्छ भन्नेबारे भने एकिन गरिएको छैन ।

यता, नेपाल सरकारले १५ दिन भित्रै अमेरिकाबाट जोन्सन एण्ड जोनसन खोप आइपुग्ने जानकारी दिएको छ ।


क्याटेगोरी : देश / प्रदेश, शिक्षा / स्वास्थ्य

तपाईको कमेन्ट लेख्नुहोस्