Techie IT
Mission Khabar

ब्राजिललाई हराउँदै अर्जेन्टिनाले २८ वर्षपछि जित्यो कोपा अमेरिकाको उपाधि


काठमाडौं । २८ वर्षपछि अर्जेन्टिनाले कोपा अमेरिका फुटबलको उपाधि जितेको छ । आइतबार बिहान भएको फाइनल खेलमा ब्राजिललाई १–० गोल अन्तरले पराजित गर्दै अर्जेन्टिनाले उपाधि हात पारेको हो ।

माराकाना स्टेडियममा अर्जेन्टिनालाई उपाधि दिलाउन एन्जल डी मारियाले गरेको एक गोल नै निर्णायक बन्यो । खेलको २२ औं मिनेटमा डी मारियाले निर्णायक गोल गरेका थिए । कप्तान लियोनल मेस्सीले अर्जेन्टिनाका लागि दिलाएको यो नै पहिलो अन्तराष्ट्रिय उपाधि हो । यस अघि अर्जेन्टिनाले सेमिफाइनलमा कोलम्बियालाई पेनाल्टी सुटआउटमा ३–२ ले पराजित गरेको थियो । ब्राजिलले भने पेरुलाई १–० गोल अन्तरले पराजित गर्दै फाइनलमा अर्जेन्टिनासँगको भेट निश्चित गरेको थियो ।


क्याटेगोरी : जनचासो / सामाजिक सञ्जाल, देश / प्रदेश, विश्व / विविध

तपाईको कमेन्ट लेख्नुहोस्