Techie IT
Mission Khabar

माओवादी केन्द्र बैधानिक रहेको निर्वाचन आयोगको ठहर


काठमाडौं । नेकपा माओवादी केन्द्र खारेजीको माग गर्दै पूर्वमाओवादी नेताहरूले दिएको निवेदन निर्वाचन आयोगले खारेज गरिदिएको छ । निवेदनमा माग गरिएजस्तो पुष्पकमल दाहाल प्रचण्ड नेतृत्वको माओवादी केन्द्र अवैधानिक नरहेको भन्दै आयोगले निवेदन खारेज गरिदिएको हो ।

प्रवक्ता राजकुमार श्रेष्ठले माओवादी केन्द्रले नेपालको संविधान, राजनीतिक दलसम्बन्धी ऐनले तोकेका प्रावधान र अन्य नियमका आधारमा माओवादी केन्द्र वैध रहेको र निवेदकले भनेजस्तो खारेज गर्न नमिल्ने निर्णय गरिएको जानकारी दिनुभयो । माओवादी केन्द्र छाडेर एमाले प्रवेश गरेका नेताहरू रामबहादुर थापा बादल, टोपबहादुर रायमाझी, प्रभु साह, मणि थापा, लेखराज भट्टलगायतको तर्फबाट अधिवक्ता सरोज बुढाथोकीले गत बुधवार आयोगमा माओवादी केन्द्र अबैद्यानिक रहेको दाबीसहित निवेदन दिएका थिए ।


क्याटेगोरी : जनप्रतिनिधि, देश / प्रदेश, राजनीति

तपाईको कमेन्ट लेख्नुहोस्