Techie IT
Mission Khabar

आजबाट असोज ८ गतेसम्म कक्षा १२ को परीक्षा


काठमाडौं । कोरोना भाइरस (कोभिड–१९) का प्रभावित हुँदैआएको कक्षा १२ को परीक्षा आजदेखि सुरु भएको छ । राष्ट्रिय परीक्षा बोर्डले आजबाट सुरु हुने परीक्षा परीक्षा असोज ८ गतेसम्म सञ्चालन हुने जानकारी दिएको हो । परीक्षाको समय बिहान ११ बजेदेखि दिउँसो २ बजेसम्म निर्धारण गरिएको छ ।

यसअघि गत साउन ३१ देखि भदौ ९ गतेसम्म परीक्षा तालिका सार्वजनिक गरिएपनि कोरोना भाइरस संक्रमण बढेपनि स्थगित गरिएको थियो । राष्ट्रिय परीक्षा बोर्डले पुनः विद्यार्थीहरुलाई भौतिक रुपमै उपस्थित गराएर आजदेखि परीक्षा सञ्चालन गर्ने निर्णय गरेको थियो । परीक्षा केन्द्रमा सबैले सरकारले तोकेको स्वास्थ्य मापदण्ड अनिवार्य रुपमा पालना गर्नुपर्नेछ । कोरोनाका कारण यो वर्ष विद्यार्थीलाई होम सेन्टरबाटै परीक्षा दिने व्यवस्था गरिएको छ । साथै, कोरोना संक्रमण पुष्टि भएका विद्यार्थीलाई छुट्टै राखेर परीक्षा लिइदैछ ।

राष्ट्रिय परीक्षा बोर्डका अनुसार यसपटक कक्षा १२ को परीक्षामा तीन लाख ७४ हजार जना विद्यार्थी सहभागी हुनेछन् । भौतिक रुपमै परीक्षा सञ्चालन गराउनका लागि भन्दै सरकारले कक्षा ११ र १२ का परीक्षार्थीलाई कोरोना भाइरसविरुद्धको खोप समेत लगाइसकिएको छ ।

यस्तो छ परिक्षा तालिका :


क्याटेगोरी : देश / प्रदेश, शिक्षा / स्वास्थ्य

तपाईको कमेन्ट लेख्नुहोस्