पुरा भयो संखुवासभा हत्या प्रकरणको अनुसन्धान, ५ जनाको संलग्नतामा सामूहिक हत्या !

संखुवासभा, काठमाडौं । संखुवासभाको मादी नगरपालिका–१ स्थित उम्लिङमा ६ जनाको सामुहिक हत्या प्रकरणमा थप चार अरोपितलाई प्रहरीले पक्राउ गरेर सार्वजनिक गरेसँगै ५ जनाको संलग्नता खुलेको छ । घटनामा संलग्न भएको आरोपमा प्रहरीले यसअघि नै २५ वर्षीय लोकबहादुर कार्कीलाई पक्राउ गरिसकेको थियो । प्रहरीले ४७ वर्षीय खड्गबहादुर कार्की, २८ वर्षीय हस्तबहादुर कार्की, ४९ वर्षीय रणबहादुर कार्की र १७ वर्षीय नरेश कार्कीलाई पक्राउ गरी सोमबार सार्वजनिक गरेको हो ।
प्रहरीको सफल अनुसन्धानका कारण घटनामा संलग्न सबै पक्राउ परेका छन भने अघिल्लो दिन नै हस्तबहादुर कार्कीको योजनामा हत्याको योजना बनेको खुलेको छ । कार्की परिवारका नातेदारबाटै घटाईएको हत्या काण्डमा ठूलो रिसिईबी भन्दा पनि हेपिएको कारण प्रधान देखिएको छ । उत्कृष्ठ अनुसन्धान गरेको भन्दै मादी घटनाको अनुसन्धानमा खटिएका प्रहरी अधिकारीलाई नगदसहित सम्मान नै गरिएको छ ।
दुई साता अघि मादी नगरपालिका–१ का बुद्धमान कार्कीका परिवारका ६ जना सदस्यको हत्या भएको थियो । बुद्धमानका छोरा ५२ वर्षीय तेजबहादुर कार्की, तेजबहादुरकी श्रीमती कमला कार्की, बुहारी ३२ वर्षीय रञ्जना कार्की, ८४ वर्षीय आमा पार्वती कार्की, ८ वर्षीय विपिन कार्की र ५ वर्षीय गोमा कार्कीको हत्या भएको अवस्थामा शब भेटिएको थियो ।
क्याटेगोरी : जनचासो / सामाजिक सञ्जाल, देश / प्रदेश
भरखरै प्रकाशित
- १ठगी रोक्न श्रम मन्त्री कुँवरको सक्रियता, १ सय ४८ म्यानपावर कारबाहीमा !
- २गुणस्तरहीन खाद्य वस्तु बेच्ने एक सय १५ वटा उद्योग, फर्म र व्यापारी कारबाहीमा,अनुगमन जारी !
- ३उपसचिव प्रमोद नेपाल घुस रकमसहित अख्तियारको फन्दामा, के होला त कानुनी कारबाही ?
- ४नेपाली कारखानाका विदेशी कामदार हटाए नेपालीलाई राख्न संसदीय समितिको निर्देशन !
- ५आजबाट राहदानीका लागि आवेदन फारम खुल्ला, कसरी व्यवस्थापन गर्ने भीडभाड ?
तपाईको कमेन्ट लेख्नुहोस्