Techie IT
Mission Khabar

वैशाखयता विपद्जन्य घटनामा परेर ३ सय ५३ जनाले गुमाए ज्यान, ८० जना वेपत्ता


काठमाडौं । यो वर्षको वैशाखयता विपद्जन्य घटनामा परेर ३ सय ५३ जनाले ज्यान गुमाएका छन् । राष्ट्रिय विपद् जोखिम न्यूनीकरण तथा व्यवस्थापन प्राधिकरणका अनुसार बैशाखयताको विपद्धमा परेर ८० जना हराइरहेका छन् ।

सबैभन्दा बढी पहिरोमा परेर १६१ जनाको ज्यान गएको छ । यस्तै, बाढीबाट ५२ र चट्याङ्ग लागेर ४९ जनाले ज्यान गुमाएका छन् । भारी वर्षाले १८, सर्पले टोकेर २०, आगलागीबाट १८, जनावरको आक्रमणबाट २८, डढेलो, हावाहुरी र महामारीबाट सात जनाले ज्यान गुमाएका छन् । बेपत्ता भएका ८० जनामध्ये पहिरोमा ४२ र बाढीमा परेर ३७ जना छन् ।  प्राधिकरणका अनुसार यस अवधिमा दुई हजार ९० वटा विपद्का घटना भएका छन् । कुल एक हजार २ सय ८४ जना घाइते भएको विवरण सरकारसँग रहेको छ । कुल तीन हजार ४४३ घर परिवार प्रभावित भएका छन् भने एक अर्ब रूपैयाँ बढीको क्षति भएको आँकलन गरिएको छ ।

कार्तिक सुरु भएपछिको बेमौसमी वर्षाका कारण मात्रै १ सय ११ जनाले ज्यान गुमाएका छन् भने ३५ जना बेपत्ता भएका छन् । मनसुनको अवधिमा १३६ जनाले ज्यान गुमाएका थिए । यो वर्ष बेमौसमी वर्षाले झन ठूलो क्षति गराएको छ । मनसुनको समयमा समेत १५ प्रतिशत बढी पानी परेको थियो । अहिलेको वर्षाले भने किसाले लगाएको धानखेतीमा ठूलो क्षति पुगेको छ ।

पछिल्लो बाढी पहिरोबाट भएको सबै क्षतिको विवरण सङ्कलनको क्रममै रहेको गृह मन्त्रालयले जानकारी दिएको छ ।


क्याटेगोरी : जनचासो / सामाजिक सञ्जाल, जीवन भोगाई, देश / प्रदेश

तपाईको कमेन्ट लेख्नुहोस्