Techie IT
Mission Khabar

धादिङको स्थानपति माविलाइ पूर्व विद्यार्थीहरुको साथ, देउसी भैलोबाट १ लाख ४० हजार संकलन


काठमाडौं । धादिङ जिल्लाको निलकण्ठ नगरपालिका १० ज्यामरुङस्थित श्री स्थानपति मावि र स्थानपति मावि भुपु विद्यार्थी समाजले संयुक्त रुपमा दिपावली तथा छठ पर्वको शुभकामना आदानप्रदान तथा देउसीभैलो कार्यक्रम सम्पन्न गरेका छन् ।

देउसी भैलो कार्यक्रमबाट एक लाख चालिस हजार रुपैयाँ उठेको र उक्त रकम स्कुलको भौतिक पुर्वाधार विकास र शैक्षिक गुणस्तर सुधारमा खर्च गरिने भुपु विद्यार्थी समाज स्थानपति माविका वरिष्ट उपाध्यक्ष शंकर जङ्ग इटनीले जानकारी दिए । विगतमा आफुले अध्ययन गरेको विद्यालयमा शैक्षिक गतिविधिहरुमा संलग्न भइराख्नको लागि शुभकामना आदानप्रदान र देउसी भैलो कार्यक्रमको आयोजना गरिएको भुपु विद्यार्थी समाजका वरिष्ट उपाध्यक्ष समेत रहेका पूर्व विद्यार्थी शंकरजंग इटनी बताउँछन् ।

आगामी दिनमा पनि विद्यालयको भौतिक र शैक्षिक वृद्धि विकासका छात्रबृति, पुर्वाधार निर्माण लगायतका कामहरुमा पूर्वविद्यार्थीहरुले योजनाबद्ध हिसावले सहयोग गर्दै जाने समेत इटनीले जानकारी दिए । कार्यक्रममा विद्यालयका शिक्षक अध्यनरत विद्यार्थी, अविभावक र भुपु विद्यार्थी समाजका प्रतिनिधीसहित २०० जना भन्दा बढी उपस्थित थिए ।


क्याटेगोरी : जनचासो / सामाजिक सञ्जाल, देश / प्रदेश, शिक्षा / स्वास्थ्य

तपाईको कमेन्ट लेख्नुहोस्