Techie IT
Mission Khabar

पर्यटकमार्फत चार अर्ब २० करोड नेपाल भित्रिदा विदेशमा नेपालीले गरे १५ अर्ब बढी खर्च


काठमाडौं । विदेशीले नेपालमा पछिल्लो तीन महिनामा चार अर्ब २० करोड रुपैयाँ खर्च गर्दा नेपालीले विदेशमा १५ अर्बभन्दा धेरै खर्च गरेका छन् । चालु आर्थिक वर्षको पहिलो तीन महिनामा सेवा आयमा देशले २३ अर्ब ७९ करोडको घाटा व्यहोनुपरेको नेपाल राष्ट्र बैंकले जानकारी दिएको हो ।

नेपाल राष्ट्र बैंकका अनुसार अघिल्लो वर्षको तीन महिनामा सेवा आय ११ अर्ब ९४ करोड रुपैयाँ रहेकोमा अहिले दोब्बरभन्दा धेरैले बढेर २३ अर्ब ७९ करोड रुपैयाँ पुगेको छ । गएको साउन भदौ र असोजमा भ्रमण आय अर्थात् नेपाल आउने विदेशीले चार अर्ब २० करोड रुपैयाँ खर्च गरेका छन् । यो गएको वर्षको तुलनामा एक सय ८३ प्रतिशतले धेरै हो ।

यता, नेपालीले विदेशमा गर्ने खर्च अर्थात भ्रमण व्यय एक सय ८७ प्रतिशत भन्दा धेरैले बढेको पाइएको छ । गएको तीन महिनामा नै नेपालीले १५ अर्ब २६ करोड रुपैयाँ खर्च गरेका छन् । राष्ट्र बैंकका अनुसार योमध्ये अध्ययनका लागि विदेश जानेहरूले मात्रै तीन महिनामा आठ अर्ब ९२ करोड रुपैयाँ खर्च गरेका छन् ।


क्याटेगोरी : अर्थ / रोजगार, जनचासो / सामाजिक सञ्जाल, देश / प्रदेश

तपाईको कमेन्ट लेख्नुहोस्