Techie IT
Mission Khabar

तारा एयरको जहाज दुर्घटना भएको आशंकासहित खोजी जारी, को-को थिए यात्रु ?


काठमाडौं । पोखराबाट जोमसोमका लागि तेस्रो उडान भरेको तारा एयरको ९ एन–एईटी कलसाइनको जहाज मुस्ताङको घाँसा क्षेत्रमा दुर्घटनामा परेको आशंका गरिएको छ । ९ बजेर ५५ मिनेटमा पोखरा विमानस्थलबाट उडेको जहाज ४ भारतीयसहित ६ विदेशी र १३ नेपाली यात्रुसहित लेतेपास क्षेत्रबाट सम्पर्कबिहिन भएपछि दुर्घटनाको आशंकासहित खोजी कार्य जारी राखिएको छ ।

उडान भर्दैगर्दा सम्पर्कविहिन भएको विमानमा को को थिए ?
विमानमा इन्द्र बहादुर गोले, पुरुषेत्तम गोले, राजन कुमार गोले, बसन्त लामा, गणेश नारायण श्रेष्ठ, रवीना श्रेष्ठ, रस्मी श्रेष्ठ, रोजिना श्रेष्ठ, प्रकाश सुनुवार, मकर बहादुर तामाङ, राममाया तामाङ, सुकुमाया तामाङ, तुल्सादेवी तामाङ, अशोक कुमार त्रिपाठी, धनुष त्रिपाठी, ऋतिका त्रिपाठी, वैभवी बाण्डेकर, युवी विल्नर र मिक ग्रायट सवार थिए ।

विमान प्याप्टेन प्रभावकर घिमिरेले उडाएका थिए भने सहचालकका रुपमा उत्सव पोखरेल र एयर होस्टेन किस्मी थापा चालकदल सदस्यका रुपमा रहेका थिए । विमान सम्पर्कबिहिन भएको क्षेत्रमा स्थानीयले ठूलो आवाज सुनेको र आगोको मुस्लो समेत देखेको बताएपनि उद्धार टोली घटनास्थलमा नपुगेकाले आधिकारिक पुष्टि हुन सकेको छैन ।


क्याटेगोरी : जनचासो / सामाजिक सञ्जाल, जीवन भोगाई, देश / प्रदेश

तपाईको कमेन्ट लेख्नुहोस्