काठमाडौंको कपनमा भिषण आगलागी, तीन जनाको ज्यान लिने आगोलागीको कारण यस्तो !

मिसन खबर ५ आश्विन २०७९, बुधबार २२:१६

काठमाडौं । । बुढानिलकण्ठ ११ स्थित कपनमा भीषण आगलागी हुँदा तीन जनाको ज्यान गएको छ । राममन्दिर नजिकै रहेको दुई तले घरमा अक्सिजन सिलिन्डर पड्किएर भीषण आगलागी भएको प्रहरी परिसर काठमाडौंका प्रवक्ता दिनेशराज मैनालीले जानकारि दिनुभएको हो ।

मृतकको पहिचान भने यो समाचार तयार पार्दासम्म खुल्न सकेको छैन । ट्रेकिङ्ग अफिस र ट्रेकिङ्गमा प्रयोग हुने सामान राखिएको घरमा आगलागी भएको बताइएको छ । काठमाण्डौ, भक्तपुर र ललितपुरका दमकल बोलाएर आगो नियन्त्रणमा लिइएपछि क्षतीको पूर्ण बिवरण आउन सकेको छैन ।