प्रधानमन्त्री प्रचण्ड चारदिने भ्रमणका क्रममा भारतमा, ७ वटा महत्वपूर्ण सम्झौतामा हस्ताक्षर

मिसन खबर १९ जेष्ठ २०८०, शुक्रबार ०८:३७

काठमाडौं । प्रधानमन्त्री पुष्पकमल दाहाल प्रचण्डले चारदिने भारत भ्रमणका क्रममा विहिबार ७ वटा सम्झौतामा हस्ताक्षर गरेका छ । नेपालका प्रधानमन्त्री दाहाल र भारतका प्रधानमन्त्री नरेन्द्र मोदीले संयुक्त पत्रकार सम्मेलन गर्दै सहमतिबारे जानकारी दिएका हुन् ।

दुई देशका प्रतिनिधिमण्डलस्तरीय वार्तापछि द्वीपक्षीय सम्झौता भएको हो । नेपाल भारत पारवहन सम्झौता नवीकरण, सिमापार पेट्रोलियम पाइपलाइनलाई अमलेखगञ्जबाट चितवनसम्म ल्याउने र सिलिगुडीबाट झापा सम्म पुर्‍याउने सहमति भएको छ । यस्तै परराष्ट्र मामिला अध्ययन प्रतिष्ठान र सुष्मा स्वराज इन्स्टिच्युटबीच सहकार्य गर्ने, चाँदनी दोधारामा एकीकृत जाँच चौकी बनाउने, तल्लो अरुणको पीडिए गर्ने र फुकोट कर्णाली भारतीय कम्पनीले बनाउने सहमति भएको छ । ६६९ मेगावाट क्षमताको तल्लो अरुणबाट नेपालले १४० दशमलब ४९ बिजुली पाउने गरी भारतीय कम्पनीसँग परियोजना विकास सम्झौता (पीडीए) भएको छ । भारतीय कम्पनी सतलज जलविद्युत् निगम (एसजेभीएन) ले २१ प्रतिशत बिजुली पाउने गरी सम्झौता भएको बताइएको छ । यस्तै डिजिटल पेमेन्ट सम्झौता पनि दुई देशबीच भएको छ ।

जेठ २० गते शनिबार अपराह्न ४ः२० को नेपाल एयरलाइन्सको उडानबाट प्रधानमन्त्री प्रचण्ड नेतृत्वको प्रतिनिधिमण्डल काठमाडौं फर्किनेछ । प्रधानमन्त्रीको १२० सदस्यीय भ्रमण टोलीमा भौतिक पूर्वाधारमन्त्री प्रकाश ज्वाला, ऊर्जा, जलस्रोत तथा सिँचाइमन्त्री शक्तिबहादुर बस्नेत, परराष्ट्र मन्त्री एनपी साउद, अर्थ मन्त्री डा.प्रकाशशरण महत, उद्योगमन्त्री रमेश रिजाल, प्रचण्डकी छोरी गंगा दाहाल, प्रधानमन्त्री, मन्दीका स्वकिय सचिव, सल्लाहकार, विभिन्न मन्त्रालयका उच्च पदस्थ कर्मचारिहरु सहभागि रहेका छन् ।

क्याटेगोरी : अर्थ / रोजगार, जनचासो / सामाजिक सञ्जाल, जनप्रतिनिधि, देश / प्रदेश