असोजको झरी, कैलाली डुब्यो नपत्याउने गरी (फोटो डायरी)

मिसन खबर ९ आश्विन २०७५, मंगलवार ०३:४७

कैलाली–सोमबार रातिको वर्षाले कैलालीको अभिकांश क्षेत्रलाई डुबानमा पारेको छ । केही घण्टाको बर्षाबाट कैलाली यसरी प्रभावित भएको पहिलो घटना हो ।

वर्षाको पानीले निकास नपाउँदा धनगढी उपमहानगरपालिकाको एल.एन. चोक, विशालनगर, प्रदेश सभाहल, हसनपुर, धनगढी गाउँ, बसपार्क लगायत अधिकांश क्षेत्र जलमग्न छन् ।
अत्यधिक वर्षा हुने मनसुनको अवधिमा समेत धनगढीका यी क्षेत्रहरु डुबानमा परेका थिएनन् । वर्षासँगै जमेको पानी र डुबानका कारण धनगढीका केही स्थानको विद्युत सेवा समेत प्रभावित भएको छ ।