Techie IT
Mission Khabar

परनिर्भरताको नयाँ अभ्यास, मखमली र सयपत्रीको ठाउँ ओगट्तै कृतिम फूल(फोटो डायरी)


काठमाडौं–तिहार उज्यालो, रंग र फूलको समिश्रणको पर्व । अनि परम्परागत देउसी भैली खेल्दै रमाइलो गर्ने सुनौँलो अवशर पनि । तर विगतमा मखमली र सयपत्री फुलसँग सुगन्ध साटिने यमपञ्चक अर्थात तिहार पछिल्लो समय कृतिम फूलबाट टार्न थालिएको छ ।

कागज र प्लाष्टिकबाट बनाइने कृत्रिम मालाको किनमेल बढ्न थालेको छ । स्वदेशमा प्राकृतिक फुलको ब्यसायीक खेती सुरु भएको खबर पनि पढिरहेका छौँ हामी तर तिहार लक्षित फूल उत्पादनको समय र मौसम मिलाउन नसक्दा कतिपय फूल बारिमै सुकेका छन् । अनि प्राकृतिक रुपमा सजावट दिने सयपत्रि र मखमली फूलका बिकल्प बनिरहेका छन्, कृतिम फूलहरु ।

घरको सजावटदेखि यमपञ्चकका हरेक दिनहुँदै भाईटिकासम्म फूलकै प्रयोग गर्ने गरिन्छ । विगतमा सयपत्री, मखमली जस्ता फूलले घर, कार्यालय, मठमन्दिर, विद्यालय सजाइन्थे । तर अहिले सस्तो, टिकाउ, र सहज उपलब्धताका कारण कागज र प्लाष्टिकका कृत्रिम फूलहरुको ब्यापार र प्रयोग बढि हुन थालेको छ ।

एक जना व्यवसायीले कृतिम फूलको माला तिहारमा मात्रै न्युनतम ५० हजारदेखि एक लाखसम्म बेच्ने गरेका छन् । यता, चिकित्सकहरु भने कृतिम मालाको प्रयोगले प्रदुषण बढ्ने र मानव स्वास्थ्यमा हानि हुने बताउँछन, कतिपय जानकारहरु त करोडौँको आर्थिक भार थप्ने कृतिम फूल आयात नै रोक्नुपर्ने बताउछन् ।

जग्गा र सिँचाइको सुविधा, फूलखेतीमा लगानीको वातावरण, दक्ष जनशक्तिको प्रवन्ध र पूर्वाधार तर्फ सरकारले ध्यान नदिने हो भने फूलले आत्मनिर्भरता होइन, परनिर्भरता झनै बढ्ने देखिन्छ ।


क्याटेगोरी : अर्थ / रोजगार, कृषी / उद्यम, देश / प्रदेश, समाचार
ट्याग : #hot


तपाईको कमेन्ट लेख्नुहोस्