१५ दिनमा ५६ करोड नाफा गर्नेगरी पेट्रोलियम पदार्थको मूल्य घटाइयो, निगम भन्छ– निरन्तरको नोक्सानको पनि समायोजन

मिसन खबर १८ मंसिर २०७५, मंगलवार ०२:२५

काठमाडौं –१५ दिनका लागि साढे ५६ करोड नाफा सुरक्षित गर्दै नेपाल आयल निगमले पेट्रोलियम पदार्थको मुल्य समायोजन गरेको छ । पेट्रोल, डिजेल र मट्टीतेलको मूल्य प्रतिलिटर समान दुई रुपैयाँले घटाएको निगमने ग्याँसको मुल्य भने समायोजन गरेको छैन ।

सोमबार रातिदेखि लागू भएको नयाँ मुल्य अनुसार पेट्रोल एक सय १२ तथा डिजेल र मट्टीतेल ९९ रुपैयाँ प्रतिलिटर कारोबार हुनेछ । यसरी दुई रुपैयाँको मुल्य समायोजन गरेको निगमले दैनिक ५० करोड बराबरको पेट्रोलियम पदार्थ बिक्रि गर्दै आएको छ । यहि अनुपातमा बिक्रि हुँदा अबको १५ दिनमै निगमको खातामा ५६ करोड ५८ लाख नाफा जाने देखिन्छ ।

दिनमै करिब ४ करोड नाफा रहनेगरी समायोजन गरिएको मुल्यमा निगम प्रवक्ता वीरेन्द्र गोइत भन्छन्–चालू आर्थिक वर्षको सुरुवाती समयमा ब्यहोरेको नोक्सानी पनि समायोजन हो । हवाई इन्धनको मुल्यपनि यथावत राखिएको छ । खाना पकाउने ग्यासमा भने जिगमले घाटा ब्यहोर्दै आएको छ ।

क्याटेगोरी : अर्थ / रोजगार, देश / प्रदेश, समाचार