क्रिसमसको पूर्व सन्ध्यामा काठमाडौंका विभिन्न स्थानबाट ८७ युवायुवती पक्राउ, होहल्ला गरेको अभियोग

मिसन खबर १० पुष २०७५, मंगलवार ०४:३६

काठमाडौँ–क्रिसमसको पूर्व सन्ध्यामा काठमाडौंका विभिन्न ठाउँमा आयोजित क्रिसमस पार्टीबाट ८७ जना पक्राउ परेका छन् । प्रहरीका अनुसार रातीको समयमा होहल्ला गर्ने तथा अराजकता मच्चाउने काममा संलग्न भएको पाइएपछि ५ जना युवती सहित ८७ जनालाई नियन्त्रणमा लिइएको हो ।

दरबारमार्ग, ठमेल नयाँबजार, बसपार्क लगायतका स्थानबाट उनीहरुलाई नियन्त्रणमा लिइएको बताइएको छ । केहीलाई होहल्ला गरेर अरुलाई डिस्टर्ब गरेको गुनासोका आधारमा र केहीलाई नियमित जाँचका क्रममा पक्राउ गरिएको प्रहरीले जानकारी दिएको छ ।

२४ घण्टापछिको नियन्त्रणका लागि म्याद थप गरेर राख्नुपर्ने भएकाले सो मय अगाडी नै उनीहरुलाई आफन्तको रोहोबरमा छाड्ने प्रहरीले तयारी गरेको छ ।

क्याटेगोरी : देश / प्रदेश, समाचार