मलेसियाले ल्यायो आप्रवासी कामदारका लागी नयाँ सुरक्षा योजना, लाखौँ विदेशी कामदार लाभान्वित

मिसन खबर १४ पुष २०७५, शनिबार १८:१३

काठमाडौं–मलेसिया सरकारले आप्रवासी कामदारका लागि सामाजिक सुरक्षा सम्वन्धी नयाँ व्यवस्था ल्याएको छ । सन् २०१९ जनवरी १ देखी विदेशी कामदारको हकमा लागू हुने गरी नयाँ सामाजिक सुरक्षा ल्याइएको हो ।

विदेशी कामदारलाई मलेसियाको सामाजिक सुरक्षा संस्थामा दर्ता गराउनुपर्ने नयाँ ब्यवस्था अनुसार स्वास्थ्य उपचार, अस्थायी तथा स्थायी अशक्तता तथा पुनःस्थापना लगायतका विभिन्न सुविधा दिइनेछ । क्वालालम्पुरस्थित नेपाली दूतावासले मलेसियामा कार्यरत नेपाली कामदारलाई रोजगारदातासँग सम्पर्क राखी सामाजिक सुरक्षा संस्थामा दर्ता गराउन अनुरोध समेत गरेको छ ।

यस्तो सुविधा गैरकानूनी रुपमा बस्ने कामदारले भने पाउने छैनन । यो योजना अन्तर्गत मलेसियामा कार्यरत लाखौँ नेपाली सहित बिदेशी कामदारलाई राहत पुग्ने भएको छ ।

क्याटेगोरी : अर्थ / रोजगार, देश / प्रदेश, विश्व / विविध, समाचार