चिकित्सा शिक्षा विधेयक अन्तिम चरणमा, डा.केसीका सबै माग समेटिएको दाबी

मिसन खबर १९ पुष २०७५, बिहीबार ०४:२४

काठमाडौं–संसद्को स्वास्थ्य शिक्षा समिति अन्तर्गतको उपसमितिले चिकित्सा शिक्षा विधेयकलाई सर्वसम्मत रूपमा पारित गरेर समितिलाई बुझाउने तयारी गरेको छ । बिहिबार सहमति जुटाएर समितिलाई प्रतिवेदन बुझाउने उपसमितिको तयारी छ ।

डा. गोविन्द केसीले उठान गरेका सम्पूर्ण विषय प्रतिवेदनले समेटेको र केही भाषगत समस्या मिलाउन मात्रै बाँकी रहेको उपसमिति बताउँछ । शिक्षा, विज्ञान तथा प्रविधिमन्त्री गिरिराजमणि पोखरेलले सम्झौताको आधारमा नै अगाडि बढ्ने धारणा पटक–पटक व्यक्त गर्दै आएका छन् । काठमाडौं बाहिर मेडिकल कलेज खोल्नका लागि विधेयकले बाटो खुल्ला गर्ने, सिटिइभिटिका कार्यक्रमहरू हटाउने नभई पाँच वर्षभित्र स्तरवृद्धि गर्ने विषय समेटिएका छन् ।

अझ, मेडिकल कलेजलाई गैरनाफामुलक रुपमा लैजान सैद्धान्तिक सहमति गरेको उपसमितिले १० बर्षपछि सबै मेडिकल कलेजलाई गैरनाफामुलक बनाउने बिधेयकमा समाबेश गर्न लागेको छ । सङ्घीय शिक्षा नीतिले बाँकी बिषय समेट्ने गरि विधेयक तयार भएको बताइएको छ ।

क्याटेगोरी : देश / प्रदेश, शिक्षा / स्वास्थ्य, समाचार