एकाविहानै भूकम्पका दुई झड्का, काठमाडौंमा भागाभाग

मिसन खबर ११ बैशाख २०७६, बुधबार ०८:३१

काठमाडौं– १२ मिनेटको फरकमा दुई वटा भूकम्पको धक्का महसुश गरिएपछि काठमाडौं उपत्यकावासी त्रसिद भएका छन् । बिहान ६ बजेर २९ मिनेट जाँदा पहिलो भूकम्पको धक्का र १२ मिनेटपछि अर्थात ६ बजेर ४१ मिनेटमा फेरि अर्को धक्का महसुश गर्नुपर्दा राजधानीवासी त्रसिद भएका हुन् ।

राष्ट्रिय भूकम्प मापन केन्द्रले जनाए अनुसार ५ दशमलव २ रिक्टरस्केलको पहिलो भूकम्प धादिङको नौबिसे केन्द्रबिन्दु भएर गएको र अर्को ४ रिक्टरस्केलको पराकम्प सोही आसपासबाट आएको थियो ।

०७२ बैशाख १२ गते शक्तिशाली भूकम्प आउँदा ८ हजारबढीको ज्यान गुमाउनुपरेको थियो । त्यसको ४ वर्ष पुग्न १ दिन मात्रै बाँकी रहँदा लगातार दुई वटा भूकम्पको धक्का महसुश गरेका राजधानीबासी त्रसित मात्रै भएनन्, घरबाट निस्किएर केही समयसम्म खुल्ला स्थानमा पुगेर बसेका थिए ।

क्याटेगोरी : जीवन भोगाई, देश / प्रदेश, समाचार
ट्याग : #breaking, #hot