Techie IT
Mission Khabar

एनआरएनए अष्ट्रेलियाका पदाधिकारीबाटै अष्ट्रेलियामा कार्यरत नेपाली पत्रकार अपमानित, एन्जाले निकाल्यो चेतावनी सहितको विज्ञप्ती


काठमाडौं\अष्ट्रेलिया । गैरआवासिय नेपाली संघ अष्ट्रेलियाका उच्च पदाधिकारीबाट अष्ट्रेलियामै कार्यरत नेपाली पत्रकारहरु अपमानित भएको भन्दै बिरोध विरोध भएको छ । अष्ट्रेलियामा सक्रिय नेपाली पत्रकारहरुको संगठन एन्जाले विज्ञप्ती जारी गर्दै गैरआवासिय नेपाली संघको अपमानको घोर भत्सर्ना गरेको छ ।

पछिल्लो समय अष्ट्रेलियाका प्रधानमन्त्री स्कट मोरिसनले अन्तर्राष्ट्रिय विद्यार्थीका बारेमा दिएको अभिव्यक्तीबारे नेपाली पत्रकारहरुले लेखेको समाचार सामाग्रीलाई लिएर सामाजि संजालमार्फत नेपाली पत्रकारबारे घृणा फैलाउने एनआरएनएका उच्च पदाधिकारीको कदमलाई एन्जाले बिरोध गरेको हो । पछिल्लो केही दिनदेखि मुख्यतः अष्ट्रेलियाका प्रधानमन्त्री स्कट मोरिसनले अन्तर्राष्ट्रिय विद्यार्थीका सन्दर्भमा दिनुभएको अभिव्यक्ति पछि अष्ट्रेलियामा क्रियाशील रहेका र आफुलाई ठूलो सामाजिक संस्था दावी गर्ने संस्थाका जिम्मेवार पदाधिकारी, मूल नेतृत्व, पत्रकारहरुसँग निकट रही काम गर्नुपर्ने प्रवक्ता, केही शैक्षिक व्यवसायी लगायतका व्यक्तिहरुले विभिन्न माध्यमबाट गरेका टिप्पणीप्रति गम्भीर ध्यानाकर्षण भएको एन्जाद्धारा जारी विज्ञप्तीमा उल्लेख छ ।

अष्ट्रेलियामा ३ दर्जन बढी नेपाली पत्रकारहरुले सक्रिय रुपमा पत्रकारित गरिरहेका छन् । उनीहरुले अष्ट्रेलियाका नेपाली भाषी र नेपालका ठुला संचारगृहका लागि समेत कलम चलाउदै आएका छन् । एन्जाका अध्यक्ष हेमन्त काफ्लेले प्रधानमन्त्री मोरिसनले गरेको भाषणबारे समाचार सामाग्री प्रकाशन गर्दा केही नेपाली पत्रकारले अग्रजी नै बुझ्दैनन् र समाचारलाई अतिरञ्जित बनाएर नेपाली विद्यार्थी र उनीहरुका अभिभावक माझ संत्रास पैदा गराएको आरोप सहित एनआरएन पदाधीकारी लगायतले आफूहरुबारे भ्रम सृजना गर्न खोजेकाले विज्ञप्ती जारी गर्नु परेको बताए ।

एन्जाले अष्ट्रेलियामा कार्यरक नेपाली पत्रकारहरु संविधान, कानून र नीतिनियमको परिधीमा रहेर, पत्रकारिताको विश्वव्यापी मान्यतालाई आत्मसाथ गर्दै व्यवसायिकरुपमा मर्यादित भएर नेपाली समाजलाई सुसुचित गर्ने कार्यमा लागिपरेको स्पष्ट समेत पारेको छ ।निष्पक्ष समाचार सामाग्रीलई आफ्नो व्यक्तिगत स्वार्थपूर्ति गर्ने केही व्यक्ति र संस्थाबाट पत्रकारहरुको अवमूल्यन गर्नेगरी सामाजिक सञ्जालमार्फत भएको अपमानजनक कार्य रोक्न समेत नेपाली पत्रकारहरुको साझा संगठन अष्ट्रेलियन नेपाली जर्नालिष्ट एशोसिएसन (एन्जा) ले जोडदार माग गरेको छ ।


क्याटेगोरी : देश / प्रदेश, विश्व / विविध
ट्याग : #hot

तपाईको कमेन्ट लेख्नुहोस्