कोरोनाको महामारीमा मासु : बन्यजन्तुको मासु नखान विश्व स्वास्थ्य सङ्गठनले गरेको अपील अधिकांशले मानेनन्
सुर्य अधिकारी,जापान\काठमाडौं । विश्व स्वास्थ्य सङ्गठनले सबै देशका सरकारलाई कोरोना भाइरसलाई मध्यनजर गर्दै बन्यजन्तुको मासु खान रोक लगाउन अपिल गरेको एक साता बितेपनि अधिकांश देशमा बन्यजन्तु लगायतको मासुमा प्रतिबन्ध लागेको छैन । नत कुनै सरकारले मासु नबेच्न र नखान निर्देशन नै दिएका छन् । बरु उल्टै विश्व स्वास्थ्य संगठनको अपिल बिरुद्ध मासु बिक्रिबितरणले तिब्रता पाइरहेको छ ।
कोरोनाको सुरुवात भएको चीनको बुहानमा सीफूड बजारबाट फैलिएको भन्दै बन्यजन्तुको मासुमा प्रतिबन्ध लगाउन अपिल गरिएको थियो । मासु व्यापारमा स्वच्छताको कमी हुने भएकोले प्रतिबन्ध लगाउन माग गरिएपनि कोरोनाको उद्गमस्थल चीन, भारत, जापान, कोरिया, अस्ट्रेलिया, अमेरिका लगायतका देशमा विभिन्न बन्यजन्तुको ड्राई मिट ब्यापारमा प्रतिबन्ध लागेको छैन । बरु यी बिभिन्न देशमा बसोबास गरिरहेका नेपालीहरु अन्य सरसामानको तुलनामा ड्रई मिट किन्नेहरु नै बढी भएको बताउँछन् । जापान सरकारले विश्व स्वास्थ्य संगठनको अपिललाई कार्यान्वयन नगर्दा सुपर मार्केटमा बन्यजन्तु लगायतको मासुको ब्यापार विगत भन्दा बढेको छ । कोरिया, अमेरिका, अस्ट्रेलिया, भारत लगायतका अन्य मुलुकमा समेत बन्यजन्तु लगायतको मासु ब्यापार यथावत रहँदा उपभोक्ताहरु घट्ने भन्दा बढ्ने क्रममा छन् ।
कतिपय उपभोक्ता र सागसब्जिका तुलनामा मासुले रोगसँग लड्ने प्रतिरोधी क्षमता बढाउने भन्दै विगत भन्दा माछा मासु बढि किन्ने र खाने गरेको बताउँछन् । ७० प्रतिशत भन्दा बढी भाइरस जनावर र तीनको मासुबाट लाग्नेगरेको पाइएपनि मासु खानेहरु घट्नुको साटो बढ्ने क्रममा देखिएका छन् ।
क्याटेगोरी : देश / प्रदेश, विश्व / विविध, शिक्षा / स्वास्थ्य
ट्याग : #hot
थप समाचार
भरखरै प्रकाशित
- १मौसमी प्रणालीमा पश्चिमी वायु र अरव सागरको प्रभाव, थप चिसो बढ्दै
- २सर्वोच्चमा आजदेखि गोला प्रथाबाट मुद्धाको पेसी, ३७ दिनपछि न्यायाधीशहरु इजलासमा फर्किँदै
- ३अध्यक्ष ओलीको चाहाना पुरा गर्दै सकियो एमाले महाधिवेशन, कसरी अघि बढाउलान त पार्टी ?
- ४प्रेस सेन्टर ललितपुरमा कार्की र काठमाडौंमा बरालको नेतृत्वमा नयाँ कार्यसमिति चयन
- ५अमेरिकाको मिशिगनस्थित विद्यालयमा अन्धाधुन्ध गोली प्रहार, तीन विद्यार्थीको हत्या
तपाईको कमेन्ट लेख्नुहोस्