विदेशमा रहेका नेपालीलाई तत्काल कुनै समस्या भए नेपाली नियोगमा सम्पर्क गर्न आग्रह, अलपत्र परेका नागरिकको उद्धार कहिले ?
काठमाडौ । सरकारले कोभिड–१९ कोरोनाका कारण शिक्षा तथा रोजगारीका गन्तब्य मुलुकमा अलपत्र परेका नेपाली नागरिकलाई स्वदेश फर्काउने गृहकार्यलाई तिब्रता दिएको छ । ठूलो सङ्ख्यामा नेपालीलाई एकसाथ स्वदेश फर्काउन ठूलै स्रोत साधनको आवश्यकता पर्ने भन्दै सरकारले विभिन्न कारणले अलपत्र परेका, बिरामी तथा अशक्त व्यक्तिलाई पहिलो प्राथमिकतामा राखेर उद्धारको रणनीति सहित गृहकार्य अघि बढाएको हो ।
बीसौँ लाख नेपाली आप्रवासी श्रमिक खाडी, मलेसिया तथा अन्य मुलुकमा रहेको तथा युरोप, अमेरिका, अस्ट्रेलियामा समेत लाखौँको संख्यामा नेपालीहरु भएका कारण एक्कै पटक सबैलाई स्वदेश फर्काउन सम्भव नहुने श्रम, रोजगार तथा सामाजिक सुरक्षामन्त्री रामेश्वर राय यादवले बताए । विदेशमा रहेका नेपालीलाई तत्कालका लागि जहाँ भए पनि सुरक्षित बस्न आग्रह गर्दै उनले भने देशको अवस्था र कठिन परिस्थितिलाई बुझेर आफ्नो स्वास्थ्यको ख्याल राख्नुहोस् । कतिपय गन्तव्य मुलुकले कोभिड–१९ बाट प्रभावित आप्रवासी श्रमिकलाई राहतका कार्यक्रम घोषणा गरेको उल्लेख गर्दै मन्त्री यादवले दूतावासमार्फत जानकारी लिई लाभ लिन आग्रह गरेका छन् ।
रोजगारी, बसोबास र खानपानमा समस्या ब्यहोर्नुपेरेका नेपालीको पहिचान गरेर फिर्ता गर्न र नेपाल आइसकेपछि क्वारेन्टाइनमा राख्ने लगायतको व्यवस्थापनका लागी अहिले सरकारले गृहकार्य गरिरहेको बताइएको छ । गन्तव्य मुलुकमा रहँदा कोरोना भाइरस सङ्क्रमणको चपेटामा परेका नागरिकको उचित स्वास्थ्योपचारका लागि सरकारले कूटनीतिक पहल जारी राखेको छ । साथै सरकारले आफ्ना नागरिकको हकहित र सुरक्षामा गम्भिर रहेको जनाएको छ ।
बुधबार मात्रै पनि विदेशमा रहेका नेपालीलाई सम्बोधन गर्दै मन्त्री यादवले अलपत्र नागरिकलाई स्वदेश फर्काउने विषयमा गम्भीरताका साथ अध्ययन भइरहेको जानकारी गराउँदै रोजीरोटी गुमाएर खर्चको अभावमा र अन्य कारणले खान बस्नको समस्यामा परेमा नागरिकलाई सम्बन्धित मुलुकमा रहेको नेपाली नियोगमा सम्पर्क गर्न आग्रह गर्नुभएको थियो । कठिन अवस्थामा पनि विचलित नभई उच्च मनोबलका साथ आफ्ना आफन्तजन तथा नेपाली दूतावासमा आफ्नो अवस्थाका सम्बन्धमा नियमित सम्पर्कमा रहन मन्त्री यादवले सबैलाई अपिल गर्नुभएको थियो ।
तत्काललै कोही समस्यामा परे विदेशमा रहेका नेपाली सङ्घसंस्था तथा व्यक्ति विशेषलाई दुःखमा परेका र अलपत्र भएका नेपालीलाई मानवीय सहायता उपलब्ध गराउन समेत सरकारले अपिल गर्दैआएको छ ।
क्याटेगोरी : जनचासो / सामाजिक सञ्जाल, जीवन भोगाई, देश / प्रदेश
ट्याग : #hot
थप समाचार
भरखरै प्रकाशित
- १सगरमाथा टेलिभिजनका अध्यक्ष निर्मल गुरुङ सफल शल्यक्रीया पछि स्वदेश फर्कदै
- २७० लाख विद्यार्थीको पठनपाठन ठप्प पार्दै देशभरका शिक्षक र कर्मचारि आन्दोलित, यस्ता छन माग !
- ३एनआरएनएको ११औं महाधिवेशन एक महिनापछि, यी हुन नेतृत्वका आकांक्षी
- ४काठमाडौंको गैह्रीगाउँमा एकै परिवारका ३ सहित ४ जनाको हत्या, अपराधीको खोजीमा प्रहरी !
- ५मानव बेचविखन गिरोहका नाइके प्रहरी खोरमा यस्तो छ अपराध श्रृङ्खला !
तपाईको कमेन्ट लेख्नुहोस्