देशभर तापक्रम बृद्धि, यस्तो छ तीन दिनको मौसम पूर्वानुमान

मिसन खबर ५ जेष्ठ २०७७, सोमबार ०७:५७

काठमाडौं । पश्चिमी न्यून चापीय प्रणाली नेपालबाट बाहिरिएसँगै अबको केही दिन तापक्रम निरन्तर बृद्धि हुने भएको छ । जल तथा मौसम पूर्वानुमान महाशाखाले अब कुनै मौसमी प्रणाली विकसित भएपछि मात्र तापक्रम घट्ने र तत्काल वर्षा हुने सम्भावनाको पूर्वानुमान गरेको हो ।

अहिले देशको पूर्वी भू-भागमा आंशिक बदली र बाँकी भूभागमा सामान्यतया मौसम सफा छ । दिउँसो देशको पूर्वी भू-भागमा सामान्य बदली र मध्य तथा पश्चिमी भू-भागमा आंशिक बदली रही बाँकी भू-भागमा मौसम सफा रहने बताइएको छ । आइतबार मात्रै काठमाडौं उपत्यकाको अधिकतम तापक्रम ३० दशमलब ५ डिग्री मापन गरिएको थियो ।

पछिल्लो तीन दिनको मौसम पूर्वानुमान यस्तो छ ।

जेठ ५ गते (सोमबार)
दिउँसो : देशको पहाडी भू-भागमा आंशिक बदली रही बाँकी भू-भागमा मौसम सामान्यतया सफा रहनेछ । पहाडी भू-भागका एक दुई स्थानमा अपरान्हपछि मेघगर्जन सहित क्षणिक वर्षाको पूर्वानुमान छ ।

रातीः देशको पहाडी भू-भागहरुमा आंशिक बदली, बाँकी भू-भागमा मौसम सामान्यतया सफा रहनेछ । पहाडी भू-भागका एक दुई स्थानमा अपरान्हपछि मेघगर्जन सहित क्षणिक वर्षा ।

जेठ ६ गते (मंगलबार)
दिउँसोः देशको मध्य तथा पूर्वी भू-भागहरुमा आंशिक बदली रही बाँकी भू-भागमा मौसम सामान्यतया सफा रहनेछ । मध्य तथा पूर्वी पहाडी भू-भागका एक दुई स्थानमा अपरान्हपछि मेघगर्जन सहित क्षणिक वर्षाको पूर्वानुमान ।

रातीः देशको पूर्वी भू-भागहरुमा सामान्य बदली रही बाँकी भू भागमा मौसम सामान्यतया सफा रहनेछ । पूर्वी पहाडी भू-भागका एक दुई स्थानमा मेघगर्जन सहित क्षणिक वर्षाको पूर्वानुमान ।

जेठ ७ गते (बुधबार)
दिउँसोः देशको मध्य तथा पूर्वी भू-भागहरुमा सामान्य बदली रही बाँकी भू-भागमा मौसम सामान्यतया सफा रहने आँकलन । मध्य तथा पूर्वी पहाडी भू-भागका थोरै स्थानमा हरुमा अपरान्हपछि मेघगर्जन सहित क्षणिक वर्षाको सम्भावना, मध्य तथा पूर्वी पहाडी भू-भागका थोरै स्थानमा मेघगर्जन सहित क्षणिक वर्षाको सम्भावना ।

रातीः मध्य तथा पूर्वी भू-भागहरुमा सामान्य बदली रही बाँकी भू-भागमा मौसम सामान्यतया सफा रहने पूर्वानुमान । पूर्वी पहाडी भू-भागका थोरै स्थानमा हरुमा मेघगर्जन सहित क्षणिक वर्षाको आँकलन ।

क्याटेगोरी : जनचासो / सामाजिक सञ्जाल, देश / प्रदेश, समाचार