Techie IT
Mission Khabar

घट्यो २७ वाणिज्य बैंकको बेस रेट, ऋणको ब्याजदर सस्तिदै


काठमाडौं । देशमा सञ्चालित २७ ‘क’ वर्गका (वाणिज्य) बैंकहरु मध्ये अधिकांश बैंकहरुले आधार दर (बेस रेट) घटाएसँगै ऋणको ब्याजदर सस्तिने भएको छ । चालु आर्थिक वर्षको दोस्रो त्रैमास अर्थात ६ महिनाभन्दा तेस्रो त्रैमास अर्थात ९ महिनाको अवधीमा बैंकहरुले बेस रेट घटाएका कारण ब्याजदर सस्तिएको हो ।

पुस मसान्तसम्म ९.४९ प्रतिशत बेस रेट रहेकोमा चैत मसान्तसम्म आइपुग्दा ०.१२ प्रतिशतले घटेर ९.३७ प्रतिशत पाइएको छ । ब्याजदर कायम गर्ने आधार दर नै घट्दा ऋणको ब्याजदर घटेको छ । सरकारी बैंक राष्ट्रिय वाणिज्य बैंकमा बेसरेट सबैभन्दा कम छ भने सिभिल बैंकको बेस रेट सबैभन्दा बढी छ । कर्जाको ब्याजदर राष्ट्रिय वाणिज्य बैंकमा अन्य बैंकको तुलनामा सस्तो हुँदा सिभिल बैंकमा सबैभन्दा महंगो तिर्नुपर्नेछ । चालु आर्थिक वर्षको ६ महिनामा ६.६० प्रतिशत रहेको वाणिज्य बैंकको बेस रेट ९ महिनामा बढेर ६.७२ प्रतिशत पुगेपनि सबैभन्दा कम बेस रेट यहि बैंकको छ ।

दोस्रो नम्बरमा स्टाण्डर्ड चार्टर्ड बैंक छ । पुस मसान्तसम्म ७.३३ प्रतिशत रहेको स्टाण्डर्ड चार्टर्डको बेस रेट चैत मसान्तमा घटेर ७.२७ मा झारिएको छ । तेस्रो नम्बरमा रहेको नेपाल बैंकको पुस मसान्तसम्मको ७.८२ प्रतिशतको बेसरेट चैतमा ७.४९, चौथौ नम्बरमा रहेको नविल बैंकको पुस मसान्तसम्मको बेस रेट ८.१० बाट घटाएर चैत समान्तमा ७.८२ र पाँचौ नम्बरमा एभरेष्ट रहेको बैंकको ८. ४६ प्रतिशतबाट घटाएर चैत मसान्तमा ८.३४ प्रतिशत बनाइएको छ । कर्जाको व्याजदर निर्धारणमा स्पष्टसँग पहिचान गर्न सकिने तत्वहरु समावेश गरी गणना गरिएको दर नै आधार दर (बेस रेट) हो । बैंक तथा वित्तीय संस्थाहरुको कर्जाको ब्याजदर निर्धारण प्रतिष्पर्धी र पारदर्शी गराउने उद्देश्यले आर्थिक वर्ष २०६९ ७० को मौद्रिक नीति मार्फत पहिलोपटक आधार दर प्रणाली लागू गर्ने निर्णय भएको हो ।

२०६९ सालमै वाणिज्य बैंकमा लागू भएको थियो आधार दर २०७० सालदेखि मात्रै विकास बैंक र फाइनान्स कम्पनीहरुमा लागू भएको थियो । आधार दर कर्जाको वास्तविक व्याजदर नभएपनि व्याजदर निर्धारण गर्ने आधार हो । जसलाई व्याजदरको सन्दर्भ दर पनि भनिन्छ । बैंकहरुले आधार दरलाई सन्दर्भ दर मानेर त्यसमा केही प्रतिशत जोडेर व्याजदर तोक्ने प्रचलन रहँदै आएको छ ।

यस्तो  छ, २७ बैंकहरुको बेस रेट

सि.नं.               बैंकको नाम                                बेस रेट (चैत मसान्त)              बेस रेट (पुस मसान्त)
१.               राष्ट्रिय वाणिज्य बैंक                               ६.७२ प्रतिशत                           ६.६० प्रतिशत
२.               स्टाण्डर्ड चार्टर्ड बैंक                                   ७.२७ प्रतिशत                           ७.३३ प्रतिशत
३.                नेपाल बैंक                                               ७.४९ प्रतिशत                          ७.८२ प्रतिशत
४.               नविल बैंक                                                ७.८२ प्रतिशत                          ८.१० प्रतिशत
५.               एभरेष्ट बैंक                                             ८.३४ प्रतिशत                           ८.४६ प्रतिशत
६.              नेपाल इन्भेष्टमेन्ट बैंक                            ८.५३ प्रतिशत                           ८.५३ प्रतिशत
७.               हिमालयन बैंक                                        ८.८७ प्रतिशत                           ८.९२ प्रतिशत
८.               प्रभु बैंक                                                  ८.९८ प्रतिशत                            ९.४५ प्रतिशत
९.               सानिमा बैंक                                            ९.२५ प्रतिशत                           ९.२९ प्रतिशत
१०.           बैंक अफ काठमाण्डु                                   ९.३३ प्रतिशत                           ९.९९ प्रतिशत
११.           ग्लोबल आईएमई बैंक                               ९.४१ प्रतिशत                           ९.६४ प्रतिशत
१२.           एनआईसी एशिया बैंक                              ९.६१ प्रतिशत                           ९.६२ प्रतिशत
१३.           लक्ष्मी बैंक                                                ९.७९ प्रतिशत                          १०.०९ प्रतिशत
१४.          प्राइम कमर्सियल बैंक                                ९.८५ प्रतिशत                            ९.४५ प्रतिशत
१५.          नेपाल एसबीआई बैंक                                ९.८६ प्रतिशत                            ९.९४ प्रतिशत
१६.         सिटिजन्स बैंक इन्टरनेशनल                      ९.८८ प्रतिशत                           १०.३५ प्रतिशत
१७.         नेपाल बंगलादेश बैंक                                   ९.८९ प्रतिशत                           ९.९२ प्रतिशत
१८.         मेगा बैंक                                                     ९.९४ प्रतिशत                           ९.७६ प्रतिशत
१९.         कृषि विकास बैंक                                         ९.९७ प्रतिशत                          १०.१७ प्रतिशत
२०.         माछापुच्छ्रे बैंक                                           ९.९७ प्रतिशत                           १०.२६ प्रतिशत
२१.        सिद्धार्थ बैंक                                                  ९.९८ प्रतिशत                           १०.०४ प्रतिशत
२२.        एनएमबि बैंक                                               ९.९९ प्रतिशत                           १०.१२ प्रतिशत
२३.        सनराईज बैंक                                               १०.०२ प्रतिशत                          ९.९९ प्रतिशत
२४.        सेञ्चुरी कमर्सियल बैंक                                 १०.२७ प्रतिशत                         १०.३५ प्रतिशत
२५.        एनसीसी बैंक                                                १०.३६ प्रतिशत                          १०.५८ प्रतिशत
२६.        कुमारी बैंक                                                    १०.६५ प्रतिशत                          १०.४५ प्रतिशत
२७.         सिभिल बैंक                                                  १०.९२ प्रतिशत                           १०.९८ प्रतिशत


क्याटेगोरी : अर्थ / रोजगार, देश / प्रदेश, समाचार
ट्याग : #hot

तपाईको कमेन्ट लेख्नुहोस्