पछिल्लो २४ घण्टामै थपिए डेढ सय बढी संक्रमित, ५१ जिल्लामा कोरोना बिस्तार

संक्रमितको संख्या १ हजार ४२

मिसन खबर १५ जेष्ठ २०७७, बिहीबार १४:४३

काठमाडौं । पछिल्लो २४ घन्टामा १ सय ५६ जनामा कोरोना भाइरस (कोभिडङ–१९) को संक्रमण पुष्टि भएसँगै नेपालमा कोरोना संक्रमितको संख्या १ हजार ४२ पुगेको छ ।

स्वास्थ्य तथा जनसंख्या मन्त्रालयको पछिल्लो अपडेट अनुसार दैलेखमा ८, कैलालीमा २, दार्चुलामा १, स्याङ्जामा ३, नवलपुरमा १, धनुषामा २९, महोत्तरीमा १७, सप्तरीमा १४, मकवानपुरमा १, बर्दियामा ३, बाँकेमा १, झापामा २५, सर्लाहीमा ७, सिरहामा ६, रौतहटमा २०, दोलखामा २, सोलुखम्बुमा १, बझाङमा १ र सुर्खेतमा १३ जना संक्रमित थपिएका हुन्।

संक्रमित मध्ये ५ जनाको मृत्यु भएको छ भने १९० जना उपचारपछि निको भएका छन् । अहिलेसम्म नेपालका ५१ जिल्लामा कोरोना संक्रमण विस्तार भएको छ ।

क्याटेगोरी : देश / प्रदेश, शिक्षा / स्वास्थ्य, समाचार