पछिल्लो २४ घण्टामा थपिए १ सय ७० संक्रमित, १२ सय १२ मा कोरोना पहिचान

५२ जिल्लामा कोरोना विस्तार

मिसन खबर १६ जेष्ठ २०७७, शुक्रबार १६:५४

काठमाडौं । पछिल्लो २४ घण्टामा १ सय ७० जना संक्रमित थपिएसँगै नेपालमा कोरोना संक्रमितको संख्या १ हजार २ सय १२ पुगेको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा झापाका २८, सप्तरीका ४, बाराका ४, पर्साका ५, म्याग्दीका १, बाँकेका १०, नवलपरासी बर्दघाटका २, कपिलवस्तुका ५१, रौटहटका ५६, सर्लाहीका ५, रुपन्देहीका १ र दाङका २ जनामा संक्रमण पुष्टि भएको हो ।

संक्रमितमध्ये अहिलेसम्म २०६ जना निको भएर घर फर्किदा ६ जनाको मृत्यु भएको छ । पछिल्लो २४ घण्टामा मात्रै १९ जना डिस्चार्ज भएका छन् । मन्त्रालयका प्रवक्ता डा. विकास देबकोटाका अनुसार मंगलबारसम्म नेपालमा आरडीटी विधिबाट १ लाख ५ हजार ४ सय ७८ र पीसीआर विधिबाट ६४ हजार १ सय ४४ को नमुना परीक्षणहरु गरिएको छ ।

शुक्रबारको अपडेट अनुसार देशभरी १ हजार जना आइसोलेसनमा र ९९ हजार ३ सय ३६ जना क्वारेन्टाईनमा छन् । कोरोना भाइरसको संक्रमण ५२ जिल्लामा विस्तार भएको छ ।

क्याटेगोरी : देश / प्रदेश, शिक्षा / स्वास्थ्य
ट्याग : #breaking