लकडाउन अब जेठ ३२ सम्म, आवश्यक परे सेना समेत परिचालन गरिने

असार १६ गतेसम्म सीमा नाका र अन्तर्राष्ट्रिय उडान स्थगन

मिसन खबर १७ जेष्ठ २०७७, शनिबार २२:१५

काठमाडौं । कोरोना भाइरस (कोभिड१९) को संक्रमण फैलिन नदिन भन्दै गरिएको लकडाउन जेठ ३२ जेठसम्म जारी रहने भएको छ । शनिबारको मन्त्रिपरिषद् बैठकले थप १२ दिन लकडाउन लम्ब्याउने निर्णय गरेसँगै बन्दाबन्दीको समयसिमा जेठ ३२ सम्म लम्बिने भएको हो ।

यो बिचमा विज्ञहरुसँग परामर्श गरेर लकडाउनको मोडालिटी हेरफेर गर्ने तयारी सरकारले गरेको छ । सरकारका प्रवक्ता एवं अर्थ सूचना तथा संचार प्रविधि मन्त्री युवराज खतिवडाले लकडाउनको आगामी मोडालिटी अर्था कहाँ खुकुलो कहाँ कसरी कडाइ गर्ने भन्ने बारेको निर्णय कोभिड उच्चस्तरिय समितिले गर्ने जानकारी दिए । चैत ११ गतेदेखि गरेको लकडाउनको यसअघिको समयसिमा जेठ २० गतेको थियो ।

पछिल्लो समय कोरोना संक्रमितको संख्या बढेकै कारण लकडाउन लम्ब्याउने निर्णयमा पुगेको सरकारले संक्रमण फैलिएको आवश्यक ठाउँमा सेना परिचालन गर्ने निर्णय समेत गरेको छ । मन्त्रिपरिषद् बैठक अगाडि बसेको सुरक्षा परिषद् बैठकको सिफारिस अनुसार पछिल्लो निर्णय आएको हो । लकडाउनसँगै सरकारले असार १६ गतेसम्म सीमा नाका र अन्तर्राष्ट्रिय उडान स्थगन राख्ने निर्णय गरेको छ ।

क्याटेगोरी : जनचासो / सामाजिक सञ्जाल, देश / प्रदेश
ट्याग : #breaking, #hot