Techie IT
Mission Khabar

दिप प्रज्वलन गरेर संविधान संशोधनको स्वागत, साटियो खुसियाली


काठमाडौं । संघीय संसदको प्रतिनिधिसभाले निशान छापमा नेपालको नयाँ राजनीतिक तथा प्रशासनिक नक्सा प्रयोग गर्ने विधेयक पारित गरेसँगै देशभर खुशियाली मनाइएको छ । निशान छापमा नयाँ नक्सा राख्न संसदमा प्रस्तुत भएको संशोधन विधेयक सर्वसम्मत पारित भएपछि उपत्यकासहित देशभर दिप प्रज्वलन गरेर खुशियाली मनाइएको हो ।

लिम्पियाधुरा, कालापानी र लिपुलेक क्षेत्र समेटिएको नेपालको नयाँ राजनीतिक नक्सालाई शनिबार निशान छापमा प्रयोग गर्ने सम्बन्धि विधेयकलाई प्रतिनिधिसभाको दुई तिहाई बढी मतले पास गरेको थियो । योसँगै उपत्यकाको माइतिघर मण्डला, सहिदगेट, बसन्तपुर, बालुवाटार लगायतका ठाउँमा उपस्थित भएर सर्वसाधारणले सडकमा नेपालको नक्सा बनाएर दिप प्रज्वलन गरे ।

शनिबार राती र आइताबार बिहान काठमाडौं सहित, दाङ, बुटवल, विराटनगर, चितवन, मकवानपुर लगायत देशैभर संशोधन बिद्येयक पारित भएपछि दीपप्रज्वलन गरेर खुसियाली मनाइएको छ ।


क्याटेगोरी : देश / प्रदेश, समाचार
ट्याग : #hot

तपाईको कमेन्ट लेख्नुहोस्