काठमाडौं । सिन्धुपाल्चोकको मेलम्ची नगरपालिका–११ मा गएको पहिरोमा पुरिएर पाँच जनाको मृत्यु भएको छ । पाँच जनाको शव फेला परेकोमा दुई जनाको मात्र परिचय खुलेको छ । जिल्ला प्रहरी कार्यालय सिन्धुपाल्चोकका अनुसार वीरगञ्ज निवासी प्रदीप चौरसिया र राजेश चौधरीको शव पहिचान भएको हो ।
अन्य मृतकको पहिचान हुन बाँकी छ । उनीहरु सबै कभर्ड हल निर्माणमा कार्यरत मजदुरहरु रहेको बताइएको छ । कभर्ड हल निर्माणमा दुई भारतीय नागरिकसहित नौ जना मजदुर खटिएका थिए । उनीहरु बस्दै आएको टहरो आइतबारराति करिब दुई बजेतिर आएको पहिरोले पुरेको थियो ।
प्रहरीले घटनास्थलबाट भारतीय नागरिक बारु साहलाई जीवितै उद्धार गरेको छ । स्थानीय स्वास्थ्य चौकीमा प्राथमिक उपचार गरिएका उनलाई थप उपचारका लागि धुलिखेल लगिदैछ । अर्का एक भारतीय नागरिक राजेन्द्र चौरसिया पनि पहिरोमा पुरिएका छन् । भारतीय नागरिकहरुको ठेगाना नखुलेको प्रहरीले जनाएको छ ।
पहिरोमा परेर बेपत्ता भएका अन्य तीन जनाको खोजी कार्य जारी रहेको बताइएको छ ।
क्याटेगोरी : देश / प्रदेश, समाचार
थप समाचार
भरखरै प्रकाशित
- १कोरोना कहरमा बढ्दै पर्यटकिय चहलपहल, होमस्टेले समेत राख्न थाले पाहुना
- २भीडभाडसँगै बढ्यो कोरोनाको जोखिम, स्वास्थ्य पूर्वाधार र जनशक्ति बढेन !
- ३लचक बन्दै अध्यक्ष ओली, वरिष्ठ नेता नेपालको तीन बुँदे प्रस्तावले एकताबद्ध होला त एमाले ?
- ४एसईईको आन्तरिक मूल्याङ्कनको नतिजा साउन २५ गतेभित्र सार्वजनिक हुने
- ५विश्वमै पहिलो पटक त्रिविले सुशासन तथा भ्रष्टाचार निवारण अध्ययन सुरु गर्दै
तपाईको कमेन्ट लेख्नुहोस्