कोरोना त्रासदीको प्रभाव : अस्पतालले भर्ना नलिदा बढ्दै अकाल मृत्यु
काठमाडौं / पर्सा । वीरगञ्जमा उपचारका लागि अस्पतालको खोजीमा भौतारिदा भौतारिदै शनिबार एक विरामीको मृत्यु भयो । वीरगञ्ज २ छपकैया बस्ने २० वर्षीया विष्णु लामाको मृत्यु उपचारको खोजीमा अस्पताल चाहार्दा चाहार्दा कतै भर्ना नपाएर भएको हो ।
ज्याला मजदुरी गर्ने उनी ४ वर्षकी छोरीसहित वीरगञ्ज बस्दै आएकी थिइन् । शुक्रबारी राति अचानक स्वास्थ्यमा समस्या देखिएपछि उपचारका लागि अस्पताल गएकी उनले नारायणीसहित वीरगञ्जका अधिकांश निजी अस्पताल चाहारिन । कुनैले पनि भर्ना नलिएपछि कोरोना विशेष अस्पताल, गण्डक पुगेकी उनको उपचार सुरु गर्दागर्दै शनिबार बिहान २ बजेतिर निधन भयो । मृत्युपछि उनको पीसीआर परीक्षणका लागि स्वाब संकलन गरेर नारायणी अस्पतालको प्रयोगशालामा पठाईएको छ ।
यो प्रतिनिधि उदाहरण मात्रै होइन्, वीरगञ्जका अस्पतालहरुले कोभिडको आशंकामा उपचार नगरी सिरियस केस गण्डकमा पठाउने क्रम बढेको छ । शुक्रबार पनि नेशनल मेडिकलले भर्ना गर्न नमानेपछि गण्डक ल्याइएका वीरगञ्ज ३ छपकैयाका एक वृद्धको उपचारको क्रममा मृत्यु भयो । शुक्रबार बेलुका उनमा कोभिड संक्रमण रहेको पुष्टि भएको थियो । कोरोना महामारी शुरु भएपछि विरामी बोक्न वीरगञ्जमा एम्बुलेन्स पाउन छाडिएको छ ।
यसअघि पनि अस्पताल डुलाउँदा डुलाउँदै, भर्ना गर्न नमानेर वीरगञ्जमा धेरै विरामीको मृत्यु भएको छ । यो समस्या काठमडौं उपत्यका सहित देशका धेरै सहरमा समेत छ । २४ घण्टे सेवा लेखेर बोर्ड लगाउने अस्पतालका चिकित्सक, स्वास्थ्यकर्मीले आवश्यक स्वास्थ्य सुरक्षा सामाग्री लगाएर उपचार गर्नुपर्नेमा गेटबाटै विरामी फर्काउने गर्छन । सामान्य अवस्थामा जस्तोसुकै विरामी भर्ना गरेर चर्को पैसा असुल्ने निजी अस्पतालले महामारीमा शंकास्पद कोरोना देखिने वित्तिकै भर्ना नगर्दा बढिरहेको अकाल मृत्यु बारे सरकार खासै गम्भिर देखिएको छैन ।
२४ अैं घण्टा सेवाको बोर्ड टाँगेर अप्ठेरो स्थितिमा सेवा नदिने अस्पताललाई कारबाही गर्ने कि ठग्न छुट दिएर पुरस्कृत गर्ने ? अहिले आम सर्वसाधारणले सरकारसँग यस्तै प्रश्न गरिरहेका छन् । महामारीको बेला ढोका बन्द गर्ने अस्पतालहरुलाई कारबाही गर्नुपर्ने आवाज उठ्दा समेत सरकारको मौनता गम्भिर छ ।
क्याटेगोरी : जीवन भोगाई, देश / प्रदेश, शिक्षा / स्वास्थ्य
ट्याग : #breaking
थप समाचार
भरखरै प्रकाशित
- १लेनदेनको विषयमा जबरजस्ती जाहेरी, घुमुवा प्रहरीको अगाडी महाराजगञ्जका डिएसपी मौन
- २सगरमाथा टेलिभिजनका अध्यक्ष निर्मल गुरुङ सफल शल्यक्रीया पछि स्वदेश फर्कदै
- ३७० लाख विद्यार्थीको पठनपाठन ठप्प पार्दै देशभरका शिक्षक र कर्मचारि आन्दोलित, यस्ता छन माग !
- ४एनआरएनएको ११औं महाधिवेशन एक महिनापछि, यी हुन नेतृत्वका आकांक्षी
- ५काठमाडौंको गैह्रीगाउँमा एकै परिवारका ३ सहित ४ जनाको हत्या, अपराधीको खोजीमा प्रहरी !
तपाईको कमेन्ट लेख्नुहोस्