काठमाडौं । कोरोना महामारीका कारण विदेशका विभिन्न स्थानमा अड्किएका नेपालीको उद्दारको क्रम अहिले पनि जारी रहेको छ । सोहीक्रममा आइतबार मात्र १ हजार नेपाली स्वदेश फर्किएका छन् ।
त्रिभुवन अन्तर्राष्ट्रिय विमानस्थल कार्यालयका अनुसार आइतबार नेपाल एयरलाइन्सले दुबईबाट १ बच्चासहित १ सय २६ जना, नेपाल एयरलनाइन्सकै अर्को जहाजले साउदीको जेहादबाट २६१ जनालाई काठमाडौं ल्याएको हो । हिमालय एयरलाइन्सको जहाजले दोहाबाट १५५ र क्वालालाम्पुरबाट १५६ जनालाई काठमाडौं ल्याएको छ । दुबईबाट फ्लाइ दुबईले १ सय ६२ र इत्तिहाद एयरवेजले अवुधावीबाट १ सय ४० जनालाई आज काठमाडौंमा अवतरण गराएको छ ।
आइतबार राति नेपाल एयरलाइन्सको जहाज दुबई र हिमालयका दुई जहाज दोहा र क्वालालाम्पुर प्रस्थान उडेका छन् । यी जहाज सोमबार काठमाडौं आउनेछन् । आइतबार नै हिमालय एयरलाइन्स कुनमिङबाट कार्गो ल्याएर काठमाडौं आएको छ । सोमबार नेपाल एयरलाइन्स र हिमालयबाहेक फ्लाइ दुबई र श्रीलंकन एयरलाइन्स काठमाडौं आउने तालीका रहेको विमानस्थल कार्यालयले जानकारी दिएको छ ।
आन्तरिक उडान
आन्तरिकतर्फ आइतबार तारा एयरको जहाज कार्गो बोकेर लुक्ला उडेको छ । मनाङको हेली धरान गएको छ । ११ जना यात्रु बोकेर सीता एयर सिमिकोट उडेको थियो । २ यात्रु बोकेर एयर डाइनेस्टीको हेली म्याग्दी उडेको छ । समीट एयरले नेपालगन्जबाट ५ जना यात्रुलाई काठमाडौं ल्याएको छ भने कैलास हेली रामेछाप उडेको विमानस्थलको तथ्यांकमा उल्लेख छ ।
क्याटेगोरी : देश / प्रदेश
ट्याग : #hot
थप समाचार
भरखरै प्रकाशित
- १नेपालमा अब २ अन्तर्राष्ट्रिय विमानस्थल, भैरहवाको गौतम बुद्ध विमानस्थलबाट नियमित उडान !
- २स्थानीय तहमा कांग्रेसले प्रभाव बढाउँदै, एमाले कमजोर बन्दा बालेनसहित स्वतन्त्र उम्मेदवार चर्चामा !
- ३चुनावको समयमा महंगिको मार, पेट्रोल, डिजल र मट्टीतेलको भाउ प्रतिलिटर १० रुपैयाँले बढ्यो !
- ४ठूला शहरमा स्वतन्त्रको चुनौँती, काठमाडौंमा बालेनजस्तो को–को छन चर्चामा ?
- ५७५३ वटा पालिकामा कस्तो आउलान नयाँ नेतृत्व ? ६४ प्रतिशत मात्रै मतदान भएको आयोगको जानकारि !
तपाईको कमेन्ट लेख्नुहोस्