Techie IT
Mission Khabar

काठमाडौं उपत्यकामा १७२ सहित थपिए ६४१ संक्रमित, २६६६० मा संक्रमण देखिदा १०४ को मृत्यु


काठमाडौं । पछिल्लो २४ घण्टामा ६४१ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार १२ हजार २ सय ४७ जनाको पीसीआर परीक्षणबाट यी संक्रमित थपिएका हुन् । यो सँगै नेपालमा कुल संक्रमितको संख्या २६ हजार ६ सय ६० पुगेको छ ।

आइतबार साँझसम्म देशभर सक्रिय संक्रमितको संख्या ९ हजार २ सय ४१ पुगेको छ । पछिल्लो २४ घन्टामा १३४ जना डिस्चार्ज भएसँगै कोरोना जित्नेहरुको संख्या १७ हजार ३२५ पुगेको छ । स्वास्थ्य तथा जनसंख्या मन्त्रालयका अनुसार काठमाडौंमा १२६, ललितपुमा ३८ र भक्तपुरमा ८ जना गरी काठमाडौं उपत्यकामा मात्रै १७२ जना संक्रमित थपिएका छन् ।

थप दुई जनाको कोरोना संक्रमणबाट मृत्यु भएको पुष्टि भएसँगै कोरोनाबाट ज्यान गुमाउनेको संख्या १०४ पुगेको छ।


क्याटेगोरी : देश / प्रदेश, शिक्षा / स्वास्थ्य
ट्याग : #breaking

तपाईको कमेन्ट लेख्नुहोस्