कोरोना महामारीमा औषधिभन्दा मोवाइ फोनको माग, साउन महिनामै करिब साँढे ४ अर्ब बाहिरियो

मिसन खबर १२ भाद्र २०७७, शुक्रबार ०६:१०

काठमाडौं । कोरोना महामारी र लकडाउनको प्रभाव परेपनि गत साउन महिनामा करिब साढे चार अर्ब रुपैयाँको मोवाइल फोन आयात भएको छ । कोरोना भाइरसको महामारीको समयमा बिलासी विद्युतीय सामग्री मोबाइल धेरै आयात हुँदा औषधिको आयात न्युन देखिएको हो ।

भन्सार विभागका अनुसार साउन महिनामा ४ लाख ७० हजार ६२१ सेट मोबाइलको भन्सार पास भएको छ । यी मोवाइल खरिद गर्दा ४ अर्ब २६ करोड ४९ लाख ६६ हजार रुपैयाँ बाहिरिएको छ । गत वर्षको साउन महिनामा दुई अर्ब ४१ करोड रुपैयाँको मोबाइल फोन नेपाल भित्रिएको देखिन्छ । यस वर्ष मोबाइल आयात बापत सरकारले ६७ करोड ५० लाख ६६ हजार रुपैयाँ राजश्व संकलन गरेको छ ।

साउन महिनामा औषधि भने १२ करोड १७ लाख २० हजार रुपैयाँको आयात भएको छ । औषधिको कच्चा पदार्थ भने ३० करोड ७० हजार रुपैयाँ बराबर आयात भएको भन्सारको रेकर्ड छ ।

क्याटेगोरी : अर्थ / रोजगार, देश / प्रदेश
ट्याग : #hot