मास्कले कसरी छेक्छ कोरोना ? सुरक्षित तरिकाले लगाउन विज्ञको सुझाब

काठमाडौं । विगतमा धुलो धुँवाबाट बच्न लगाइने मास्क अहिले हरेकका लागि अनिवार्य प्रयोगको साधन जस्तै बनेको छ । पछिल्लो समय कोरोना भाइरस बिरूद्धको लडाईमा अनुहारको प्रतीक बन्ने गरेको छ, मास्क ।
विश्व स्वास्थ्य संगठनसँगै हरेक देशका सरकारले कोरोनाबाट बँच्न मास्कको अनिवार्य प्रयोग गर्न सुझाब दिइरहेका छन् । कोरोना भाइरसबाट जोगिन एन नाइन्टि फाइभ र मेडिकल मास्कहरूसँगै कपडाका माक्सहरु समेत प्रयोग भइरहेका छन् । तर माक्स लगाउँदा निश्चित मापदण्ड र बिधिको ख्याल आम उपभोक्ताले गरेको पाइदैन । जनस्वास्थ्य बैज्ञानिक डा. समिरमणि दीक्षित नाइन्टि फाइभ सबै भन्दा पहिचान योग्य र प्रभावकारी मास्क रहेको बताउँछन् । कम्तिमा ९५ प्रतिशत साना कणहरू रोक्ने भएकाले नै यसको नाम एन नाईन्टि फाइब राखिएको उनी बताउँछन् ।
अन्य सर्जिकल मास्कहरुले ६० देखि ८० माइक्रोनसम्मका साना कणहरूलाई फिल्टर गर्ने भएकाले राम्रोसँग लगाउँदा कोरोना भाइरसको फैलावट रोक्ने जनस्वास्थ्य वैज्ञानिकहरुको दाबी छ । माक्सले कसैले खोक्दा र हाछ्ँयु गर्दा समेत जीवाणुहरु रोक्ने विश्वास गरिएको छ । तर जनस्वास्थ्यविद्हरु नाक पुरै छोप्नेगरि मिलाएर लगाइएको माक्सले मात्रै जोखिमबाट बचाउने बताउँछन् । बारम्बार माक्स खोल्ने लगाउने, लगाउँदा समेत नाककाृे पुरै भाग नछोप्ने जस्ता कमजोरीले माक्स प्रयोग गर्नेहरुमा समेत जोखिम बढाएको पाइएको छ ।
हातले कुनै जोखिमयुक्त बस्तु छुने अनि त्यही हातलाई डिसईन्फेक्सन नै नगरि माक्स खोल्ने लगाउने नगर्न, नाकको पुरै भाग ढाकेर जिवाणु रोक्नेगरी लगाउन विज्ञहरुले सुझाब दिएका छन् ।
क्याटेगोरी : देश / प्रदेश, शिक्षा / स्वास्थ्य
ट्याग : #breaking, #कोरोना भाइरस (कोभिड–१९), #कोरोनाबाट बँच्न मास्क, #जनस्वास्थ्य वैज्ञानिक, #जनस्वास्थ्यविद्, #विश्व स्वास्थ्य संगठन
भरखरै प्रकाशित
- १नेपालमा अब २ अन्तर्राष्ट्रिय विमानस्थल, भैरहवाको गौतम बुद्ध विमानस्थलबाट नियमित उडान !
- २स्थानीय तहमा कांग्रेसले प्रभाव बढाउँदै, एमाले कमजोर बन्दा बालेनसहित स्वतन्त्र उम्मेदवार चर्चामा !
- ३चुनावको समयमा महंगिको मार, पेट्रोल, डिजल र मट्टीतेलको भाउ प्रतिलिटर १० रुपैयाँले बढ्यो !
- ४ठूला शहरमा स्वतन्त्रको चुनौँती, काठमाडौंमा बालेनजस्तो को–को छन चर्चामा ?
- ५७५३ वटा पालिकामा कस्तो आउलान नयाँ नेतृत्व ? ६४ प्रतिशत मात्रै मतदान भएको आयोगको जानकारि !
तपाईको कमेन्ट लेख्नुहोस्