थप पाँच जनाको मृत्यु, कोरोनाबाट ज्यान गुमाउनेको संख्या २७६ पुग्यो

मिसन खबर २० भाद्र २०७७, शनिबार १४:१८

काठमाडौं । कोरोना भाइरस संक्रमणबाट नेपालमा थप पाँच जनाको ज्यान गएको छ । पछिल्लो समय मृत्यु हुनेमा पर्सा, काभ्रे, मोरङ, बुटवल र नवलपरासीका एकएक जना रहेका छन् ।

–बिहिबारदेखी वीपी कोइराला स्वास्थ्य विज्ञान प्रतिष्ठान धरानमा उपचाररत विराटनगर ११ की ४३ वर्षीया महिलाको उपचारको क्रममा शुक्रबार बेलुका साढे ६ बजे मृत्यु । विराटनगरको न्यूरो अस्पतालबाट श्वासप्रश्वासमा समस्या, पेट र छातीको दुखाईपछि धरान रेफर गरिएको थियो ।

–बुटवलको कोरोना विशेष अस्पतालमा थप दुई कोरोना भाइरस संक्रमितको मृत्यु नवलपरासीको प्रतापपुर गाउँपालिका–२ का ३७ वर्षीया महिलाको शनिबार बिहान ६ बजे र बुटवल–११ का ४० वर्षीय पुरुषको गएराति ११ बजे मृत्यु भएको हो ।

–कोरोना संक्रमण पुष्टि भएका बर्दिबासका ७६ वर्षीय पुरुषको धुलिखेल अस्पतालमा मृत्यु भएको छ । स्वास्थ्यमा समस्या भएपछि १५ दिनअघि अस्पताल भर्ना गरिएका उनको उपचारको क्रममा शनिबार बिहान मृत्यु भएको हो ।

–पर्सामा थप एक जना पुरुषको कोरोना संक्रमणका कारण मृत्यु भएको छ । कोरोना संक्रमणका कारण पकहा मैनपुर गाउँपालिका २ निवासी ७५ वर्षका बैजनाथ महतोको मृत्यु भएको नारायणी अस्पतालमा उपचारका क्रममा मृत्यु भएको हो ।

योसँगै नेपालमा कोरोना भाइरस संक्रमणका कारण मृत्यु हुनेको संख्या २७६ पुगेको छ । शुक्रबार साँझसम्म कोरोना संक्रमितको संख्या ४४ हजार २ सय ३६ पुगेको छ भने २५ हजार ५ सय ६१ जनाले कोरोना जितेका छन् ।

क्याटेगोरी : देश / प्रदेश, शिक्षा / स्वास्थ्य