नेपाल वायुसेवा निगमका वरिष्ठ पइलट विजय लामा कसरी बने कोरोना संक्रमित ?

मिसन खबर ३० भाद्र २०७७, मंगलवार ०९:२७

काठमाडौं । नेपाल वायुसेवा निगमका वरिष्ठ पाइलट विजय लामालाई कोरोना संक्रमण देखिएको छ । स्टार अस्पतालमा गरिएको स्वाब परीक्षणका क्रममा क्याप्टेन लामालाई कोरोना पुष्टि भएको हो । आइतबार स्वाब दिएका आमा रिपोर्ट आएसँगै सोमबार बिहानदेखी सोल्टी होटलको आइसोलेसनमा भर्ना भएका छन् । उनीसँगै नेपाल वायुसेवा निगमको वाइडबडी जहाज उडाएका बेलायती क्याप्टेन उदय कोल्हात्करलाई समेत संक्रमण पुष्टि भएको छ । पछिल्लो पटक तीन दिनअघि दुबै क्याप्टेनले शान्ति मिसनमा खटिएको नेपाली सेनाको टोलीलाई वाइडबडी जहाजबाट अफ्रिकी मुलुक दक्षिण सुडान लगेका थिए । लामाले सामाजिक सञ्जाल मार्फत आफू सोल्टीको आइसोलेसन भर्ना भएको र बेलायती क्याप्टेन कोल्हात्कर समेत सँगै रहेको बताएका छन् । स्वास्थ्य सावधानीमा विशेष सजगता अपनाएका क्याप्टेन द्धय कसरी संक्रमित बन्न पुगे संक्रमण श्रोत एकिन हुन सकेको छैन ।