उच्च रेकर्ड बनाउँदै थपिए १ हजार ५३९ संक्रमित (विस्तृत विवरण)

मिसन खबर ३१ भाद्र २०७७, बुधबार २१:४१

काठमाडौं । पछिल्लो २४ घण्टामा काठमाडौं उपत्यकामा ७ सय ३७ जना सहित देशभर १ हजार ५ सय ३९ जनामा कोरोना संक्रमण पुष्टि भएको छ । योसँगै देशभर कोरोना संक्रमितको संख्या ५८ हजार ३ सय २७ पुगेको छ । यो संख्या पछिल्लो २४ घण्टामा काठमाडौं उपत्यका र देशभर कोरोना संक्रमित पहिचान भएको उच्च रेकर्ड हो । स्वास्थ्य तथा जनसंख्या मन्त्रालयका अनुसार बुधबार काठमाडौंमा ६ सय ५२, ललितपुरमा ६० र भक्तपुरमा २५ जनामा कोरोनाभाइरस संक्रमण पुष्टि भएको छ ।

देशभर सक्रिय संक्रमितको संख्या १६ हजार २४२ रहेको छ । सक्रिय संक्रमित मध्ये ८ हजार ५४१ संस्थागत आइसोलेसन र होम आइसोलेशनमा ७ हजार ७०१ जना रहेका छन् । बुधबार १० हजार ४ सय ९४ जनाको पीसीआर परीक्षण भएको छ । पछिल्लो २४ घण्टामा ८ जनाको निधन भएसँगै कोरोनाबाट मृत्यु हुनेको संख्या ३ सय ७९ पुगेको छ ।

यस्तो छ स्वास्थ्य तथा जनसंख्या मन्त्रालयले सार्वजनिक गरेको विवरण-